Վրաստանում նախագահական ընտրությունների երկրորդ փուլը տեղի կունենա նոյեմբերի 28-ին

Վրաստանում նախագահական ընտրությունների երկրորդ փուլը տեղի կունենա նոյեմբերի 28-ին: Վրաստան-օնլայնի տվյալներով, նախագահական ընտրությունների երկրորդ փուլի անցկացման համար պետական բյուջեից հատկացվել է 10,583,022 լարի (մոտ 4 մլն դոլար): Միջոցները կուղղվեն ընտրությունների նախապատրաստմանը, ընտրական սուբյեկտների ֆինանսավորմանը եւ այլն:

Նշենք, որ նախագահական ընտրությունենրի առաջին փուլը տեղի ունեցավ հոկտեմբերի 28-ին: Առաջին փուլի անցկացման համար ծախսվել է ավելի քան 15.1 մլն դոլար: Ընտրությունների երկրորդ փուլում պայքար կմղեն Վրաստանի իշխող կուսակցության աջակցությունը վայելող անկախ թեկնածու Սալոմե Զուրաբիշվիլին եւ «Ուժը միասնության մեջ է» միացյալ ընդդիմությունից Գրիգոլ Վաշաձեն:

Հոկտեմբերի 28-ին կայացած նախագահական ընտրություններում թեկնածուներից ոչ մեկը ձայների 50 տոկոսը չէր հավաքել: Սալոմե Զուրաբիշվիլին ստացել էր 38,64 տոկոս, իսկ Գրիգոլ Վաշաձեն` 37,73 տոկոս:

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք