Սաուդյան Արաբիան մտադիր է արտաքսել հինգ միլիոն ներգաղթյալների
Սաուդյան Արաբիան մտադիր է արտաքսել հինգ միլիոն ներգաղթյալների,– հաղորդում է Al Arabiya-ն։
Նշվում է, որ տվյալ նախաձեռնությունը քննարկում են Խորհրդատվական ասամբլեայում։
Պարբերականի տվյալներով, իշխանությունները մտավախություն ունեն, որ ներգաղթյալները կպահանջեն «հպատակագրել իրենց» եւ տրամադրել սաուդյան հպատակություն։
2013 թվականին Սաուդյան Արաբիան երկու շաբաթվա ընթացքում արտաքսեց 60 հազար անօրինական ներգաղթյալների։
Խոսքը բանգլադեշցի, ֆիլիպինցի, հնդկաստանցի, նեպալցի, պակիստանցի եւ յեմենցի ներգաղթյալների մասին է, ովքեր կամ անօրինական կերպով ներթափանցել էին Սաուդյան Արաբիա, կամ ապրելու իրավունքի ժամկետը լրանալուց հետո չէին լքել երկիրը։