Ստամբուլում ուղղաթիռի կործանման փաստի առթիվ քրեական գործ է հարուցվել
Քննչական կոմիտեն քրեական գործ է հարուցել Ստամբուլում ուղղաթիռի կործանման դեպքի կապակցությամբ, որում գտնվել են Սանկտ–Պետերբուրգի բնակիչներ։ Այս մասին հաղորդում է Ռուսաստանի ՔԿ–ի մամլո ծառայությունը։
Հաղորդվում է, որ Հյուսիս–արեւմտյան քննչական վարչությունը հաղորդում է ստացել Թուրքիայում ուղղաթիռի կործանման մասին, ինչը հանգեցրել է Ռուսաստանի չորս քաղաքացիների մահվան, ովքեր բնակվում էին Պետերբուրգում։
«Տվյալ գործով քրեական գործ է հարուցվել, որ նախատեսված է ՌԴ քրեական օրենսգրքի 263 հոդվածի, 3-րդ կետով (օդային տրանսպորտի շարժման եւ շահագործման անվտանգության կանոնների խախտում, որ հանգեցրել է երկուսից ավելի զոհերի)»,– ասվում է հաղորդագրության մեջ։
Ներկա պահին քննիչները փորձում են գտնել զոհվածների հարազատներին։ Մարտի 12-ին նախատեսվում է զոհերի դիակները հասցնել Պետերբուրգի դատաբժշկական փորձաքննության բյուրո, որտեղ կիրականացվեն մի քանի փորձաքննություններ։
«Կատարված հանցագործության բոլոր հանգամանքները ճշտելու նպատակով իրականացվում են օպերատիվ–հետախուզական եւ քննչական համալիր միջոցառումներ»,– նշել են քննչական կոմիտեում։
Ավելի վաղ հաղորդվել էր, որ ուղղաթիռի կործանման արդյունքում զոհերի թիվը հասել է յոթի, որոնցից չորսը ռուսաստանցիներ են։