Գերմանիայում ոստիկանությունը առեւտրի կենտրոնում ահաբեկչության փորձ է կանխել

Գերմանիայի Էսսեն քաղաքի առեւտրի կենտրոնում ոստիկանները ահաբեկչություն են կանխել։

Այս մասին մարտի 11-ին հայտարարել է ոստիկանության ներկայացուցիչը,– հաղորդում է Westdeutscher Runfunk ռադիոկայանը։

Հաղորդվում է, որ իրավապահ մարմինները «շատ հստակ» տեղեկություն են ստացել պատրաստվող ահաբեկչության վայրի եւ ժամի վերաբերյալ։ Դրանից հետո Limbecker Platz առեւտրի կենտրոնը տարհանվել է։ Նրա ամբողջ տեղանքը շրջափակվել է, տեղում աշխատել են իրավապահները։

Նաեւ հաղորդվում է, որ երկու հոգի բերման է ենթարկվել։ Կասկածյալները հարցաքննվել են, նրանց տներում խուզարկություն է իրականացվել։

Ռադիոկայանի տվյալներով, ահաբեկչության նախապատրաստմանը մասնակցել է «Իսլամական պետություն» խմբավորումը։ Ահաբեկիչները նախատեսել էին Էսսենում ռումբ պայթեցնել։

Top-News.am

Այս թեմայով Հարավային Կորեան ԱՄՆ-ին կոչ է արել Հյուսիսային Կորեան ճանաչել ահաբեկչությունը հովանավորող պետություն Գերմանիայում ձերբակալել են մի տղամարդու, որը ահաբեկչություն էր ծրագրում զինվորականների ու ոստիկանության դեմ Մամուլում հայտնվել է սեպտեմբերի 11-ի ահաբեկչությունների ենթադրյալ կազմակերպչի՝ Օբամային ուղղված նամակը