Արդյոք ԱՄՆ-ն ըմբռնումով կմոտենա՞ Հայաստան-Իրան սերտ հարաբերություններին
ԱՄՆ-ի եվրասիական տարածաշրջանի գծով փոխպետքարտուղարի տեղակալ Ջորջ Քենթը պատասխանել է «Ամերիկայի Ձայնի» հարցերին:
Միացյալ Նահանգների եվրասիական տարածաշրջանի գծով փոխպետքարտուղարի տեղակալ Ջորջ Քենթը, պատասխանելով ռադիոկայանի հարցերին Իրանի նկատմամբ նոր պատժամիջոցների և Հայաստանի վերաբերյալ, վերահաստատել է, որ ԱՄՆ-ի նախագահ Թրամփի վարչակազմը հայտարարությունների ու մտահոգությունների միջոցով պարզ արտահայտել է իր դիրքորոշումը, որ Իրանն ապակայունացնող ուժ է տարածաշրջանում:
Ըստ բարձրաստիճան դիվանագետի, պատճառը ոչ միայն միջուկային զենք ստեղծելու Իրանի ցանկությունն է, որին առնչվում են նախկինում ընդունված պատժամիջոցները Գործողությունների համատեղ համապարփակ ծրագրի ներքո, այլ նաև շարունակական աջակցությունն ահաբեկչությանը և իրավիճակի ապակայունացումը՝ Հեսբոլահ և Համաս խմբավորումների հովանավորության, ինչպես նաև բալիստիկ հրթիռների ծրագրի միջոցով: Ըստ Քենթի, ԱՄՆ-ը լուրջ է մոտենում տարածաշրջանի այս սպառնալիքին:
Միևնույն ժամանակ, ընդգծում է դիվանագետը, ԱՄՆ-ի վարչակազմը ցանկանում է աշխատել իր գործընկերների ու բարեկամների հետ՝ վստահ լինելու համար, որ նրանք անդառնալի կորուստներ չեն կրում: Սակայն, դիվանագետը կոչ է անում թյուր չընկալել իր խոսքերը, քանի որ ԱՄՆ-ը նպատակադրված է գործողություններ իրականացնել՝ սահմանափակելու Իրանի կարողությունները։
«Մենք հասկանում ենք, որ Հայաստանն ունի դժվար աշխարհագրական դիրք, սակայն մենք նաև մտահոգված ենք տարածաշրջանային կայունությամբ»,- ասում է փոխպետքարտուղարի տեղակալ Ջորջ Քենթը:


















































Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Արհեստական բանականության օրեր 2026
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
ՕՌԱՆԺ ՕԻԼ ՍՊԸ-ին պատկանող լցակայանում արձանագրվել է թերլիցքավորման դեպք
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ԵՄ-ն Ռուսաստանի դեմ նոր պատժամիջոցներ կսահմանի
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն