Աշխարհում 244 մլն միգրանտ կա
Այսօր աշխարհում գրանցված է 244 մլն միգրանտ, ու այդ թիվը դեռ կաճի։ Հաճախ նրանց ընկալում են որպես խնդիր ու հաշվի չեն առնում հասարակությունում միգրանտների դրական ավանդը։ Այս մասին հայտարարել են ՄԱԿ-ի մարդու իրավունքներով խորհրդի նստաշրջանի ժամանակ։
Միգրացիայի հարցերով միջազգային կազմակերպության ղեկավար Լեյսի Սվինգը հիշեցրել է այն մասին, թե ինչքան շատ միգրանտներ են փախուստի ճանապարհին զոհվում։ «Միայն անցած տարի ՄԻջերկրական ծովում զոհվել է հինգ հազար միգրանտ, ու մենք պատկերացում չունենք, թե իրականում քանի մարդ է զոհվել թե Միջերկրական ծովում, թե Սահարայի անապատում, քանի որ ոչ բոլորի մարմիններն են հայտնաբերվել։
ՄԻաժամանակ հասարակության մեջ ստեղծվել է այնպիսի մթնոլորտ, որը սպառնալիք է ստեղծում միգրանտների համար ու թույլ չի տալիս ըստ արժանվույն գնահատել նրանց ավանդը տնտեսության ու հասարակության կյանքի մեջ»,- ասել է Լեյսի Սվինգը։
Մեքսիկայի ներկայացուցիչ Խորխե Լոմոնակոն էլ նշել է, որ յուրաքանչյուր երկիր ունի իրավունք պաշտպանել իր սահմանները, բայց կոչ է արել չմոռանալ, որ միգրանտներն էլ ունեն նույն իրավունքները, ինչ բոլոր մյուսները։ Նա շեշտել է , որ միգրացիայի աճը հակամարտությունների , աղքատության, անհավասարության ու կլիմայական փոփոխությունների հետեւանք են։
Շվեյցարիայում միգրանտների թոռներին հպատակություն տալու շուրջ հանրաքվե կանցկացվի