Ավազակային հարձակում Երեւանում
Երեւանում, նոյեմբերի 2-ին, ավազակային հարձակման դեպք է տեղի ունեցել. ժամը 01։00-ի սահմաններում «Սուրբ Գրիգոր Լուսավորիչ» բժշկական կենտրոնից Ոստիկանության Նոր Նորքի բաժին ահազանգ է ստացվել, որ Երեւանի 1-03 շտապօգնության բժիշկների թիվ 55 խումբը «ԳՈՒՏ» ախտորոշմամբ իրենց մոտ է տեղափոխել մի քաղաքացու։
Shamshyan.com-ի փոխանցմամբ, ոստիկաններն ու քննիչները պարզել են, որ վիրավորը Երեւան քաղաքի Նոր Նորք վարչական շրջանի բնակիչ 49-ամյա Արմեն Դ.-ն է, ով բժիշկներին հայտնել է. որ այդ ժամին անծանոթ անձը իրենց շենքի մուտքի մոտ անակնկալ հարձակվել է իր վրա, ծեծի ենթարկել եւ այդ ամենը եղել է աստիճանահարթակի վրա, որից հետո անծանոթը հափշտակել է դրամապանակը, որի մեջ եղել է գումար եւ բջջային հեռախոսը։
Դեպքից ժամեր անց ոստիկանները ավազակային հարձակում կատարելու կասկածանքով Ոստիկանության Երեւան քաղաքի վարչություն են բերման ենթարկել 22-ամյա Ալեքսանդր Շ.-ին, ով արդեն քննիչի մոտ խոստովանել է, որ նշված հանցագործությունը կատարել է ինքը։
Փաստի առթիվ քննչական բաժնի ավագ քննիչ Համբարձումյանի որոշմամբ ՀՀ քր.օր-ի 175 հոդվածի 1-ին մասի հատկանիշներով հարուցվել է քրեական գործ։ Ալեքսանդր Շ.-ն ձերբակալվել է։ Ոստիկանությունն ու քննչական բաժինը ձեռնարկում են անհրաժեշտ միջոցառումներ՝ հափշտակվածը հայտնաբերելու ուղղությամբ։
Աղբյուրի տեղեկություններով՝ տուժածն ու կասկածյալը աշխատում են «Բոնուս» մթերային խանութում՝ Աարմեն Դ.-ն՝ որպես մենեջեր, Ալեքսանդր Շ.-ն՝ որպես հացթուխ։


















































Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Արհեստական բանականության օրեր 2026
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
ՕՌԱՆԺ ՕԻԼ ՍՊԸ-ին պատկանող լցակայանում արձանագրվել է թերլիցքավորման դեպք
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ԵՄ-ն Ռուսաստանի դեմ նոր պատժամիջոցներ կսահմանի
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն