Պուտինը հայտնել է Ռուսաստանում Թուրքիայի քաղաքացիների աշխատանքի արգելքի չեղարկման մասին
Ռուսաստանի նախագահ Վլադիմիր Պուտինը հայտնել է, որ մոտ ժամանակներս կչեղարկի Ռուսաստանում Թուրքիայի քաղաքացիների աշխատելու արգելքը, հայտնում է ԻՆտերֆաքսը։
«Դա տեղի կունենա մոտ ժամանակներս։ Այդ հարցը զուտ տեխնիկական բնույթի է»,- ասել է Պուտինը Թուրքիայի նախագահ Էրդողանի հետ հանդիպման արդյունքներով մամուլի ասուլիսի ժամանակ։
Պուտինն ասել է, որ խոսքը թուրք շինարարների մասին է, որոնց արգելվել էր աշխատանքային վիզաներ տրամադրել։ Թուրքիայի դեմ պատժամիջոցների մասին հրամանագրում ասվում էր Ռուսաստանում Թուրքիայից աշխատողներ վարձելու արգելքի մասին։