Սկսվել է «Ակնալճի կուղբաբուծական տնտեսությունը» պետությանը փոխանցելու գործընթացը
Սկսվել է «Ակնալճի կուղբաբուծական տնտեսություն» ընկերությունը պետությանը փոխանցելու գործընթացը. ընկերությունը կփոխանցվի Ակնալճի համայնքին կամ Արմավիրի մարզի մարզպետարանին:
Այս մասին լրագրողների հետ զրույցում հատնեց Արմավիրի մարզպետ Համբարձում Մաթեւոսյանը` նշելով, որ այս պահին այս հարցով վերջնական որոշում չկա:
Նրա խոսքով, այս պահին, միանշանակ է միայն այն, որ տարածքը բոլորի համար բաց կլինի: «Կարծում եմ, որ մենք կկարողանանք ներդրումների միջոցով զարգացնել տնտեսությունը»:
Միաժամանակ նա նշեց, որ իրավապահ մարմինները ստուգում են, թե ինչ ճանապարհով է Մանվել Գրիգորյանը դարձել «Ակնալճի կուղբաբուծական տնտեսության» սեփականատեր:
Կալանքի տակ գտնվող ԱԺ պատգամավոր, Երկրապահ կամավորականների միության նախկին նախագահ Մանվել Գրիգորյանը կառավարությանն էր դիմել Ակնալիճ համայնքում իրեն պատկանող «Ակնալճի կուղբաբուծական տնտեսություն» ընկերության շուրջ 330 հեկտար տարածքը պետությանը նվիրաբերելու ցանկությամբ:
Հիշեցնենք, որ Ազգային ժողովի 62-ամյա պատգամավոր Մանվել Գրիգորյանը հունիսի 19-ից կալանավորված է: Նրան մեղադրանք է առաջադրվել ՔՕ 235 հոդվածի 3-րդ մասով՝ զենքի եւ զինամթերքի ապօրինի ձեռքբերում եւ պահպանություն՝ մյուսների հետ նախնական համաձայնությամբ, ինչպես նաեւ ՔՕ 179-րդ հոդվածի 3-րդ մասի 1-ին կետով մի խումբ անձանց հետ նախնական համաձայնությամբ յուրացման եղանակով իր վստահությանը հանձնված առանձնապես խոշոր չափերով ուրիշի գույք հափշտակելու համար: Երևանի ընդհանուր իրավասության դատարանը՝ հոկտմեբերի 15-ին, որոշում էր կայացրել երկու ամսով երկարաձգել ԱԺ պատգամավոր Մանվել Գրիգորյանի կալանքի ժամկետը:


















































Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Արհեստական բանականության օրեր 2026
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
ՕՌԱՆԺ ՕԻԼ ՍՊԸ-ին պատկանող լցակայանում արձանագրվել է թերլիցքավորման դեպք
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ԵՄ-ն Ռուսաստանի դեմ նոր պատժամիջոցներ կսահմանի
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն