Բոլթոնը Թբիլիսիում կփորձի համոզել Վրաստանի իշխանություններին նվազեցնել տնտեսական կապերն Իրանի հետ
ԱՄՆ նախագահի ազգային անվտանգության հարցերով խորհրդական Ջոն Բոլթոնը Վրաստան է ժամանել այդ երկրում նախագահական ընտրություններից ընդամենը երկու օր առաջ, թեև հաշվի առնելով, որ սրանք վերջին համաժողովրդական նախագահական ընտրություններն են երկրում՝ Վաշինգտոնն առանձնապես մեծ հետաքրքրություն դրանց հանդեպ չի դրսևորում: Այս մասին գրում է ռուսական «Газета» պարբերականը:
Ըստ հոդվածագրի՝ ԱՄՆ իշխանությունների նպատակները Վրաստանում այժմ այլ են:
«Այցի ընթացքում Բոլթոնը պետք է համոզի պաշտոնական Թբիլիսիին նվազեցնել տնտեսական հարաբերությունները Թեհրանի հետ: Իրանն այսօր ակտիվ ներդրումներ է անում Վրաստանում՝ այն դիտարկելով որպես առևտրային ճանապարհի կարևոր մաս Կովկասի հարավում: ԱՄՆ-ն ցանկանում է քանդել այդ կապերը»,- նշում է Վաշինգտոնում գործող Gulf State Analytics կենտրոնի փորձագետ Թեոդոր Կարասիկը:
Ակնկալվում է նաև, որ այցի ժամանակ Բոլթոնը ևս մեկ անգամ կհավաստիացնի վրացական իշխանություններին, որ ԱՄՆ-ն շարունակում է աջակցել Վրաստանի տարածքային ամբողջականությանն ու չի ճանաչում Հարավային Օսիայի ու Աբխազիայի անկախությունը:
«Այս խորհրդանշական քայլն էլ կնշանակի վրաց իշխանությունների համար, որ Դոնալդ Թրամփի վարչակազմը չի մոռացել Թբիլիսիի մասին», - ընդգծում է հոդվածի հեղինակը:
Հիշեցնենք, որ մինչ Վրաստան մեկնելը Բոլթոնը եղել է Հայաստանում ու Ադրբեջանում:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել