Ես առաջադրվել եմ, որ չընտրվեմ, առաջադրվել եմ իրավական որեւէ սողանցք բացառելու համար. Փաշինյան
Իմ առաջադրումը որպես ՀՀ վարչապետի թեկնածու կրում է ֆորմալ բնույթ. Ես «Ելք» խմբակցության կողմից վարչապետի թեկնածու առաջադրվել եմ ոչ թե վարչապետ ընտրվելու, այլ չընտրվելու համար: Հետեւաբար, այսօր ԱԺ-ն չպետք է քվեարկի իմ օգտին: Այս մասին, այսօր՝ հոկտեմբերի 24-ին, ԱԺ-ում հայտարարեց վարչապետի պաշտոնակատար Նիկոլ Փաշինյանը:
Մինչ այդ նրա թեկնածությունն առաջադրած «Ելք» խմբակցության ղեկավար Լենա Նազարյանը ներկայացնելով Նիկոլ Փաշինյանին՝ նշեց, որ սա արվում է, որ ապահովենք Հայաստանի Սահամանադրությամբ սահմանված ընթացակարգի լիարժեք կիրառումը, հետագայում իրավական սահմանումների հետ կապված տարընթերցման առիթներից եւ իրավական անիմաստ բանավեճերից խուսափելու համար:
Իր հերթին, Նիկոլ Փաշինյանն ասաց. «Իսկ առաջադրման իմաստը առաջիկա ԱԺ ընտրությունների լեգիտիմության շուրջ շահարկումների որեւէ հնարավորություն չթողնելն է: Առաջիկա ընտրությունները կասեցնելու որեւէ իրավական սողանցքը բացառելը, ինչին ես կանդրադառնամ ավելի ուշ:
Այս պահին ուզում եմ ընդգծել, որ միանշանակ ու աներկբա է, որ առաջիկա դեկտեմբերին ունենալու ենք արտահերթ ընտրություններ, որոնք պետք է դառնան Հայաստանում 2018-ի ապրիլ-մայիսին տեղի ունեցած թավշյա հեղափոխության վերջնական հաղթանակի վերջնական հանգրվանը»:
Հիշեցնենք, որ թեեւ «Ելք»-ը ներկայացրել է Փաշինյանի թեկնածությունը, սակայն միաժամանակ կոչ է արել բոլոր պատգամավորներին՝ չընտրել նրան, որպեսզի հնարավոր լինի մեկ շաբաթ անց եւս մեկ անգամ չընտրելով վարչապետ հասնել խորհրդարանի լուծարման: Նման սցենարի դեպքում դեկտեմբերի առաջին կեսին տեղի կունենան ԱԺ արտահերթ ընտրություններ:
Իսկ եթե խորհրդարանն այնուամենայնիվ, Նիկոլ Փաշինյանին ընտրի վարչապետ, ապա ԱԺ լուծարումը օրակարգից դուրս կգա կամ առնվազն կհետաձգվի:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են