Առանց հիշողության հասարակությունն անչափ խոցելի է
Այսօր ՀՀ Ազգային ժողովը Վահե Գրիգորյանին չընտրեց Սահմանադրական դատարանի անդամ: Թեկնածուն անհրաժեշտ ձայներ չստացավ:
Քվեարկությունից հետո ոմանք նշում էին, թե այս Ազգային ժողովը Վահե Գրիգորյանի նման կիրթ եւ լավ մարդուն ՍԴ անդամ չէր ընտրի, ոմանք էլ շեշտում էին, թե ոմանք կրկին սաբոտաժ են անում:
Եղան կարծիքներ, որոնք ասում էին, թե ով ասես չի կարող ՍԴ անդամ լինել: Կարճ ասած, լսեցինք եւ կարդացինք ամեն ինչ, բայց գրեթե որեւէ մեկը չհիշեց, որ նույն Վահե Գրիգորյանի անունը կապված է հայտնի եւ սկանդալայն հեռախոսազրույցի ձայնագրության հետ: Այո, խոսքը ԱԱԾ եւ ՀՔԾ պետերի սկանդալայն զրույցի գաղտնալսման մասին է:
Հիշեցնենք, որ նույն ձայնագրությունում շատ հստակ լսվում է, թե ինչպես է ՀՔԾ պետը ԱԱԾ պետին ասում, թե իր մոտ է գալու Վահե Գրիգորյանը, եւ որ ինքը նրան համապատասխան հանձնարարական կտա մի քանի բան գրելու համար:
Տրամաբանությունը, առողջ տրամաբանությունը հուշում է, որ այս թեման, ՀՔԾ պետի հայտարարությունը լուրջ քննարկման առարկա պետք է դառնար, որի ընթացքում հասարակությունը պետք է ստանար բոլոր հարցերի լիարժեք պատասխանը:
Քննարկում չեղավ, շատ հարցեր մնացին օդում կախված: Մասնավորապես, այդպես էլ չհասկացանք, թե ինչ գործ ունի Վահե Գրիգորյանը ՀՔԾ պետի սենյակում (ինչքան էլ որ ընկերներ լինեն), եւ ինչու նա (ՀՔԾ պետը-խմբ.) նրան պետք է ասի, թե ինչ է պետք ասել կամ գրել:
Եւ այս վիճակում արդեն իսկ աբսուրդ է Վահե Գրիգորյանին առաջադրումը Սահմանադրական դատարանի անդամի պաշտոնում: Աբսուրդ է, բայց «նոր» Հայաստանում ամեն ինչ էլ հնարավոր է:
Կրկնում ենք, Վահե Գրիգորյանի մասնագիտական կարողությունները կասկածի տակ չենք դնում, բայց երկիրը երկիր չի դառնա, քանի դեռ նման սկանդալներն անցնում գնում են այնպես, ինչպես խոտի դեզի այրվելու մասին ԱԻՆ-ի հերթական հաղորդագրությունը:
Մենք Վահե Գրիգորյանի դեմ ոչինչ չունենք: Այստեղ կարեւորն առկա է խնդիրն է եւ դրա նկատմամբ հանրության եւ էլիտայի դիրքորոշումը: Մեր հասարակությունը սովոր չէ բաց եւ շիտակ քննարկումների, ինչից եւ տուժում է նույն հասարակությունն ու մեր պետությունը:
Անհրաժեշտ են այնպիսի քննարկումներ, որ հասարակությունը մարսի կատարվածը, եւ որ ամենակարեւորն է, տարբեր շրջանակներ համոզվեն, թե իրականում ինչ է եղել եւ ինչու է եղել:
Ցավոք, ժամանակներն այնպիսին են, որ այսօր ցանկացած հարցադրում անձնավորվում է: Քննադատությունն ու առաջարկն էլ ընդունվում սվիններով:
Վարդան Մխիթարյան
Top-News.am
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են