Թուրքիայի զգալի հատվածը պատվել է Արաբական թերակղզուց եկող ավազափոշու ամպերով

Ավազափոշու հսկայական ամպը պատել է Թուրքիայի հարավային, արևելյան և կենտրոնական հատվածները, այդ թվում և Անկարան:

Ինչպես հայտնում է РИА Новости-ն, ավազի մանր հատիկներից կազմված ամպերը, որոնք գալիս են Արաբական թերակղզու տարածքից, արդեն երկրորդ օրն է, ինչ պատել են Անկարայի երկինքը: Քամու բացակայության պատճառով փոշին չի տարրալուծվում, բժիշկները խորհուրդ են տալիս շնչառական հիվանդություն ունեցող մարդկանց հնարավորության դեպքում մնալ տանը:

Մթնոլորտային երևույթի պատճառով տեսանելիությունը լրջորեն վատթարացել է, տեղ-տեղ այն 100 մետրից էլ քիչ է կազմում: Կայանված մեքենաները պատվում են ավազի շերտով:

Օդերևութաբանները կանխատեսում են, որ ավազափոշու ամպը Թուրքիայում կմնա մինչև շաբաթվա վերջ:

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին