Իրանը ապտակ կհասցնի Միացյալ Նահանգներին

Իրանի հոգևոր առաջնորդ այաթոլա Ալի Խամենեին հայտարարել է, թե Թեհրանը ապտակ կհասցնի Միացյալ Նահանգներին՝ դիմակայելով Վաշինգտոնի սահմանած տնտեսական պատժամիջոցներին:

«Աստծո օգնությամբ, մենք կհաղթահարենք այդ սահմանափակումները՝ պարտության մատնելով Ամերիկային», - այսօր հայտարարել է Խամենեին Թեհրանում՝ Ազադի մարզադաշտում դիմելով տասնյակ հազարավոր աջակիցներին:

Վաշինգտոնի և Թեհրանի միջև հարաբերությունները վերստին սրվել են մայիսից, երբ Միացյալ Նահանգների նախագահ Դոնալդ Թրամփը որոշեց դուրս գալ Իրանի միջուկային ծրագրի շուրջ 2015 թվականին կնքված գործարքից, որով Թեհրանը համաձայնել էր դադարեցնել ուրանի հարստացումը՝ միջազգային պատժամիջոցները վերանայելու դիմաց:

Անցած ամիս ԱՄՆ վարչակազմը սկսեց նոր սահմանափակումներ մտցնել Թեհրանի նկատմամբ՝ լուրջ հարված հասցնելով տնտեսությանը:

Այս թեմայով Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում Վելայաթի. Բեյրութի հարցում սխալ հաշվարկը սպառեց համբերությունը․ Հրամանը տրված է, «X» ժամը մոտենում է