Մրցում ենք Հնդկաստանի եւ Իրանի հետ

Շախմատի կանանց և տղամարդկանց ընտրանիները գիտեն իրենց մրցակցիներին 43-րդ Օլիմպիադայի 9-րդ տուրում:

«Արմենպրես»-ի հաղորդմամբ՝ տղամարդկանց հավաքականը հերթական տուրում ուժերը կչափի Հնդկաստանի ընտրանու հետ: Կանանց հակառակորդները կլինեն Իրանի ներկայացուցիչները:

8-րդ տուրից հետո կանանց թիմը զիջեց առաջատարի դիրքը և հիմա 13 միավորով 6-րդն է: Առաջատարները Չինաստանը և Ուկրաինան են՝ 14-ական միավորով:

Տղամարդկանց թիմը 7-րդ տեղում է և ունի 13 միավոր: Մրցաշարային աղյուսակը 15 միավորով գլխավորում է ԱՄՆ ընտրանին:

43-րդ Օլիմպիադային մնաց 3 տուր: