Ուկրաինացի դիվանագետը խնդրել է ԱՄՆ կոնգրեսին Ռուսաստանի հետ հարաբերվել ուժի դիրքերից
Ուկրաինայի ԱԳՆ ղեկավարը կոնգրեսականների միջոցով շնորհակալություն է հայտնել ԱՄՆ–ին՝ «Ռուսաստանի հետ պատերազմում» աջակցության համար։
Ուկրաինայի արտաքին գործերի նախարար Պավել Կլիմկինը ամերիկյան կոնգրեսում հայտարարել է, որ Ռուսաստանի հետ փոխհարաբերվել պետք է միայն է ուժի դիրքերից, դա է միակ ճիշտ ուղին,– ասել է նա։ Որեւէ համաձայնություն Ռուսաստանի հետ չպետք է կնքվի, քանի դեռ նրանք չեն կատարել Մինսկի պայմանավորվածությունների բոլոր դրույթները,– ասել է ուկրաինացի նախարարը կոնգրեսականներին։
Նա հիշեցրել է «արտակարգ աջակցության մասին», որ ԱՄՆ–ն ցուցաբերել է Ուկրաինային «Ռուսաստանի հետ պայքարի» ընթացքում։ Կլիմկինը նշել է, որ այդ աջակցությունը նաեւ ԱՄՆ շահերից է բխում, նաեւ ազատության եւ ՆԱՏՕ–ի կայունության շահերից։
Ուկրաինացի դիվանագետը իր ելույթում կոչ է արել կոնգրեսականների անուշադրության չմատնել Ուկրաինային ֆինանսական աջակցություն ցուցաբերելու հարցը, ինչպես նաեւ իր երկրի համար երկարաժամկետ պայմանավորվածություններ է խնդրել անվտանգության գծով։