Ամենածանրաքաշ կինն աշխարհում 3 շաբաթվա ընթացքում նիհարել է 100 կգ–ով

Եգիպտուհի Էման Ահմեդ Աբ Էլ Աթին, ով աշխարհի ամենածանրաքաշ կինն էր համարվում եւ 500 կգ էր կշռում, հնդկական հիվանդանոցում 3 շաբաթվա ընթացքում նիհարել է 100 կգ–ով, հաղորդում է Hindustan Times պարբերականը։

Կինը քաշ է գցել հեղուկ դիետայի հետեւանքով՝ հարուսը սպիտակուցներով ու սննդային մանրաթելերով, որը նա պահել է բարիատրիկ վիրահատության ենթարկվելու համար։ Բժիշկները ծրագրում են վիրահատել Եգիպտոսի 36–ամյա բնակչուհուն գենետիկ անալիզի արդյունքները ստանալուց հետո։

Սպասվում է, որ վիրահատության, դիետայի, ֆիզիոթերապիայի շնորհիվ Էման Ահմեդը 6 ամսում կնիհարի 200 կգ–ով։ Բուժման ավարտին նա պետք է կրկին սովորի նստել եւ ինքնուրույն ուտել։

news.am