«Արսենալը» եւս երեք միավոր վաստակեց

Ֆուտբոլի Անգլիայի առաջնությունում ընթացքի մեջ են հինգերորդ տուրի հանդիպումները: Հենրիխ Մխիթարյանի «Արսենալը» մրցակցի դաշտում 2:1 հաշվով հաղթեց «Նյուքասլին»:

Առաջին խաղակեսն ավարտվեց 0:0 հաշվով: Երկրորդ կեսի հենց սկզբում Ջական տուգանային հարվածից հաշիվը դարձրեց 1:0: Քիչ անց Օզիլը հաշիվը կրկնապատկեց:

Մխիթարյանը խաղադաշտ մտավ երկրորդ գոլից 11 րոպե անց՝ 69-րդ րոպեին եւ վատ տպավորություն չթողեց, այսուհանդերձ, խաղն ավարտվեց 2:1 հաշվով: Քլարկը խաղի ամենավերջում կրճատեց հաշվի տարբերությունը:

«Արսենալն» ունի ինը միավոր եւ առայժմ յոթերորդ տեղում է՝ առաջատար «Չելսիին» եւ «Լիվերպուլին» զիջելով երկու հաղթանակով:

Top-News.am