Աղթամարի Սուրբ Խաչ եկեղեցում երեք տարվա ընդմիջումից հետո այսօր պատարագ է մատուցվել
Վանի Աղթամար կղզու Սուրբ Խաչ հայկական եկեղեցում երեք տարվա ընդմիջումից հետո այսօր պատարագ է մատուցվել:
Պոլսո Հայոց պատրիարքի փոխանորդ Արամ արքեպիսկոպոս Աթեշյանի առաջնորդությամբ պատարագը շուրջ երկու ժամ է տևել:
«Անադոլու» գործակալության փոխանցմամբ, արարողությանը մասնակցել է Թուրքիայի մշակույթի և զբոսաշրջության նախարար Մեհմեդ Նուրի Էրսոյը, մի շարք թուրք պաշտոնյաներ, ինչպես նաև մեծաթիվ հյուրեր Թուրքիայից, Հայաստանից և այլ երկրներից:
Եկեղեցու տարածքի փոքրության պատճառով մարդկանց խմբերը հերթով են մտել ներս: Պատարագից հետո նախարար Էրսոյն ու արքեպիսկոպոս Աթեշյանը խոսքով են հանդես եկել:
Թուրքիայի մշակույթի և զբոսաշրջության նախարարությունը 2005 թվականին ձեռնարկել էր Սուրբ Խաչ եկեղեցու վերականգնման աշխատանքները: Մոտ երկու տարի տևած վերակառուցման նախագծի համար շուրջ 4 մլն լիրա էր ծախսվել:
2010-ից ի վեր ամեն տարվա սեպտեմբերին՝ Խաչվերացի տոնին հաջորդող կամ նախորդող կիրակի օրը, եկեղեցում պատարագ է մատուցվում: Սակայն վերջին երեք տարվա ընթացքում շրջանում քուրդ զինյալների և թուրքական զինուժի միջև պարբերական բախումների հետևանքով պատարագ չի անցկացվել:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին