Ռոնալդոն 30 միլիոն եվրոյով կգնի «Վալյադոլիդը»

Բրազիլացի լեգենդար հարձակվող Ռոնալդոն առաջիկայում կդառնա իսպանական «Վալյադոլիդ» ակումբի սեփականատերը։

Cadena Ser-ի համաձայն՝ Բրազիլիայի հավաքականի, «Բարսելոնայի» ու Մադրիդի «Ռեալի» նախկին ֆուտբոլիստը մոտ է իսպանական ակումբը ձեռք բերելուն: Գործարքի արժեքը գնահատվում է 30 միլիոն եվրո, ինչն ավտոմատ կերպով կմարի «Վալյադոլիդի» պարտքը, որը կազմում է 25 միլիոն եվրո:

Նշվում է նաեւ, որ «Վալյադոլիդի» նախագահ Կարլոս Սուարեսը կմնա ակումբում եւ կզբաղեցնի գլխավոր տնօրենի պաշտոնը: Իսպանական ակումբը ձեռք բերելուն հավակնում էին նաեւ Քաթարից ու Հարավային Ամերիկայից, սակայն Կարլոս Սուարեսը նախապատվությունը տվել է Ռոնալդոյին:

Հիշեցնենք, որ «Վալյադոլիդն» այս մրցաշրջանում է վերադարձել Իսպանիայի ուժեղագույնների լիգա, որից դուրս էր մնացել 2013/14 մրցաշրջանում։