ՀՀ վարչապետը բացառեց արտաքին քաղաքականության մեջ շրջադարձերի հնարավորությունը
Հայաստանի նոր կառավարությունը շարունակելու է կատարել միջազգային այն պարտավորությունները, որոնք կային դեռևս նախքան թավշյա հեղափոխությունը: «Արմենպրես»-ի հաղորդմամբ՝ այս մասին ՀՀ կառավարությունում հրավիրված մամուլի ասուլիսի ժամանակ հայտարարեց Հայաստանի Հանրապետության վարչապետ Նիկոլ Փաշինյանը՝ պատասխանելով հարցին, թե ինչպես է Հայաստանը, լինելով ՀԱՊԿ անդամ, սերտ համագործակցում ՆԱՏՕ-ի և Արևմուտքի հետ:
«Մենք հստակ հայտարարել ենք, որ Հայաստանի արտաքին քաղաքականության մեջ շրջադարձեր չեն լինելու: Ես որևէ ձևաչափի մասնակցություն չեմ ունեցել, որն աննախադեպ լինի մեր արտաքին քաղաքականության համար»,- նշեց ՀՀ վարչապետը:
Անդրադառնալով հուլիսին ՆԱՏՕ-ի գագաթնաժողովի շրջանակում Բրյուսել կատարած այցին՝ Փաշինյանն ընդգծեց, որ նախկին կառավարության ժամանակ ևս նման այցեր եղել են: Ընդ որում, նա հստակեցրեց, որ Հայաստանը մասնակցել է ոչ թե ՆԱՏՕ-ի գագաթնաժողովին, այլ Աֆղանստանում ՆԱՏՕ-ի շրջանակում խաղաղապահ գործունություն իրականացնող երկրների համաժողովին:
«Հայաստանը մինչև թավշյա հեղափոխությունը ՆԱՏՕ-ի հետ համատեղ խաղաղապահ գործողություն է իրականացրել Աֆղանստանում ու Կոսովոյում, Հայաստանը պատրաստակամություն է հայտնում շարունակել այդ գործողությունները, քանի որ ես հայտարարել եմ, որ Հայաստանի արտաքին քաղաքականության մեջ շրջադարձեր չեն լինելու»,- նշեց կառավարության ղեկավարը:
Նա ընդգծեց, որ Հայաստանը Եվրամիության հետ մինչև թավշյա հեղափոխությունը ունեցել է հարաբերություններ, ստորագրել է ընդլայնված և համապարփակ համագործակցության մասին համաձայնագիր, որը մինչև հեղափոխությունը վավերացվել է Հայաստանի խորհրդարանի կողմից:
Փաշինյանը նշեց, որ գուցե հիմա ամեն այցի նկատմամբ և միջազգային լրատվամիջոցները, և հայկական ու միջազգային հանրությունն ավելի մեծ ուշադրություն են դարձնում, սակայն կառավարության արտաքին քաղաքականությունը 100 տոկոսով համապատասխանում են ավելի վաղ արված հայտարարություններին:
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են