Ֆրանսիան դարձավ աշխարհի կրկնակի չեմպիոն

Ֆուտբոլի Ֆրանսիայի հավաքականը դարձավ աշխարհի կրկնակի չեմպիոն: Ֆրանսիան Մոսկվայում 4:2 հաշվով հաղթեց Խորվաթիայի հավաքականին:

Խորվաթիան պարտվեց, բայց վստահաբար կարող ենք ասել, որ դարձավ այս առաջնության ամենասիրված հավաքականը, իսկ Մոդչիչն էլ այս առաջնության լավագույն ֆուտբոլիստն էր:

Ինչ վերաբերում է խաղին, ապա անպայման պետք է շեշտենք, որ Ֆրանսիան առաջին գոլը խփեց այն տուգանային հարվածի խաղարկումից, որը չպետք է լիներ, քանի որ Գրիզմանը սիմուլյացիայի դիմեց: Ֆրանսիան երկրորդ գոլը խփեց 11 մետրոնոցից, որը եւս չպետք է լիներ, չնայած արգենտինացի մրցավար Նեստոր Պիտանան նույնիսկ օգտվեց տեսակրկնությունից:

Առաջին դեպքում ինքնագոլի հեղինակ դարձավ Մանջուկիչը, իսկ երկրորդ դեպքում 11 մետրոնոցն իրացրեց Գրիզմանը՝ 39-րդ րոպեին հաշիվը դարձնելով 2:1, քանի որ 28-րդ րոպեին Պերիշիչը հրաշալի հարվածով հաշիվը դարձրեց 1:1:

Չենք պնդում, որ եթե չլիներ մրցավարական որոշումները, ապա Ֆրանսիան չէր հաղթի, պարզապես արձանագրում ենք ակնհայտը:

Իսկ 2:1-ից հետո ֆրանսիացիները 59-րդ եւ 65-րդ րոպեներին դարձան գոլի հեղինակ: Գրեթե նույնանման գոլեր խփեցին Պոգբան եւ Մբապեն: Հետո զավեշտալի գոլի հեղինակ դարձավ Մանջուկիչը, օգտվելով Լյորիսի հիմար սխալից:

Ֆրանսիան արժանիորեն նվաճեց չեմպիոնի կոչումը, քանի որ ուժեղ հավաքական ուներ, իսկ Խորվաթիան արժանիորեն նվաճեցին արծաթե մեդալները, թեեւ արժանի էին նաեւ առաջին տեղին:

Նվաճելով արծաթե մեդալներ խորվաթները դարձան հերոսներ բոլոր խորվաթների, բոլոր ֆուտբոլասերների համար, իսկ ֆրանսիացիները հերոսներ են, քանի որ կարողացան Ֆրանսիայի պատմության մեջ երկրորդ անգամ դարձան աշխարհի չեմպիոն:

Վիճակագրության սիրահարների համար էլ նշենք, որ Խորվաթիան իրացրեց վեց անկյունային, իսկ ֆրանսիան՝ երկու: Դեպի դարպասը Խորվաթիան կատարել է ութ հարված, իսկ Ֆրանսիան՝ ոչ մի: Դարպասին կատարած հարվածներով առաջատարը Ֆրանսիան է՝ վեցը չորսի դիմաց: Իսկ տարածքային առավելությանը Խորվաթիայինն էր՝ 61-ը 39-ի դիմաց:

Top-News.am

Այս թեմայով