Մարիո Բալոտելին «Մարսելում» ռեկորդային աշխատավարձ կստանա

Իտալիայի հավաքականի հարձակվող Մարիո Բալոտելին կարող է միանալ «Մարսելին», հայտնում է «Nicematin.com»-ը:

Աղբյուրի փոխանցմամբ, հարձակվողը շատ մոտ է ֆրանսիական ակումբ տեղափոխությանը, որը նրան թիմի համար ռեկորդային` ամսական 600 հազար եվրո աշխատավարձ է առաջարկել (շաբաթական մոտ 140 հազար եվրո):

 Անձամբ Բալոտելին արդեն տվել է իր համաձայնությունն ու մոտ ժամանակներիս պայմանագիր կկնքի «Մարսելի» հետ, որը նախատեսված կլինի 3 մրցաշրջանով` մինչև 2021 թվականի ամառը:

Հիշեցնենք` Բալոտելին հունիսի 30-ից ազատ խաղացողի կարգավիճակ ունի:

 27-ամյա հարձակվողի վերջին ակումբը ֆրանսիական «Նիսն» էր: Իտալացին ակումբում երկու մրցաշրջան է անցկացրել` ընդհանուր առմամբ մասնակցելով 66 հանդիպման և դառնալով 43 գոլի հեղինակ: