Շիրակը եւ եւս 7 ֆուտբոլային ակումբներ զրկվեցին ՀՖՖ անդամությունից

Գյումրիի «Շիրակն» ու գործունեությունը դադարեցրած 7 ֆուտբոլային ՀԿ-ներ հեռացվել են Հայաստանի ֆուտբոլի ֆեդերացիայի անդամությունից:

Սևանի «Հարսնաքար» հյուրանոցում ընթացող ՀՖՖ 16-րդ ժողովի շրջանակում կայացել է քվեարկություն, որին ներկա են գտնվել և մասնակցել 42 պատվիրակներից 24-ը:

Ֆուտբոլային ակումբ ՀԿ-ների անդամությունից զրկելուն բոլոր 24 պատվիրակները կողմ են քվեարկել, 0 ձեռնպահ, 0 դեմ, հայտնում է «ArmSport.am»-ի թղթակիցը:

ՀՖՖ անդամությունից, բացի «Շիրակից», զրկվել են նաև հետևյալ ՀԿ-ները` «Միկա ՖԱ», «Ուլիս ՖԱ», «Արմավիր ՖԱ», «Ֆուրման Աբրահամյան ՖԱ», «Հայ-Արի ՖԱ», «Էսթեղլալ-Կոտայք ՖԱ» և «Զվարթնոց-ՀԱՈւ ՖԱ»: