Մարտի 1. Ողբերգություն եւ հետեւություններ

Այն ինչ տեղի ունեցավ 2008թ. մարտի 1-ին իսկական ողբերգություն էր: Զոհվեց տասը հոգի, վիրավորվեցին հարյուրները, երկրում հաստատվեց ծանր մթնոլորտ, որի ազդեցությունը մնում է մինչ օրս:

Վստահաբար կարող ենք ասել, որ 2008-ի մարտի 1-ը Հայաստանում տարիներով ձեւավորված ընտրական  մեխանիզմի, ժողովրդի՝ ընտրությունների հանդեպ ունեցած բացահայտ անվստահության, ընտրակեղծիքների եւ ընտրակեղծարարության հետեւանքներն էին:

Մարտի 1-ի ողբերգությանը հաջորդեց մեկ այլ աղետ: Սկսվեց շահարկել այս ողբերգությունը: Ոմանք այն սկսեցին օգտագործել որպես հաղթաթուղթ այս կամ այն նպատակին հասնելու համար, այս կամ այն մարդու վրա ճնշում գործադրելու համար:

Ամենասկզբում մարտի 1-ի միակ մեղավորն ու պատասխանատուն Ռոբերտ Քոչարյանն էր: Երբ եկավ ժամանակը, ապա հերթը հասավ նաեւ Վարդան Օսկանյանին: Իսկ հիմա այդ պատասխանատուներից է նաեւ «Օհանյան-Րաֆֆի-Օսկանյան» դաշինքի առաջին համարը՝ Սեյրան Օհանյանը:

Ստացվում է, որ ով դուրս է իշխանական համակարգից, ինքնաբերաբար վերածվում է մարտի 1-ի պատասխանատուի: Մի մեծ խումբ լրատվամիջոցներ էլ ամեն ինչ անում են ՀՀ քաղաքացիներին համոզել, թե հենց այս մարդիկ են պատասխանատուները, եւ որիշ ոչ ոք: -

Այս ամենը ոչ միայն անդուր է, այլ խիստ վտանգավոր: Այս խայտառակությանը ժամանակն է վերջ տալ: Մարտի 1-ը չի կարող դառնալ որեւէ մեկի շահարկման առարկան, որեւէ մեկի հաղթաթուղթը:

Ի վերջո պետք է քաղաքական գնահատական տրվի կատարվածին պետության կողմից, ի վերջո, պետք է փոխհատուցում ստանան բոլոր տուժածները եւ զոհերի ընտանիքները: Եւ վերջապես, մարտի 1-ը այսուհետ պետք է վերածել ազգային համերաշխության օրվա: 

Գագիկ Մարտիրոսյան  

Այս թեմայով Յուրի Խաչատուրովի համար գրավը վճարվել է. նա ազատ է արձակվել գիշերը ժամը 2-ից հետո Արմեն Գևորգյանը Մարտի 1-ի գործով հրավիրել է ՀՀ հատուկ քննչական ծառայություն