Քաղբանտարկյալ Անդրիաս Ղուկասյանը կմնա կալանքի տակ

«Ոտքի Հայաստան» շարժման ակտիվիստը կբողոքարկի դատարանի այսօրվա որոշումը, իսկ նրա փաստաբանն արդեն բողոք է ներկայացրել Մարդու իրավունքների եվրոպական դատարան՝ խնդրելով արագացված ընթացակարգով անդրադառնալ իր պաշտպանյալի գործին, այդ թվում՝ առաջիկա խորհրդարանական ընտրություններին նրա մասնակցությունը խոչընդոտելու հարցին։ Այս մասին գրում է «Ազատությունը»։
Մոտ կես տարի անազատության մեջ գտնվող ընդդիմադիր գործիչ Անդրիաս Ղուկասյանը ևս երկու ամիս կմնա ճաղերի հետևում։ Այսօր Արաբկիրի առաջին ատյանի դատարանը դռնփակ նիստում արդեն 4-րդ անգամ բավարարեց քննիչի միջնորդությունը՝ երկարաձգել անցյալ տարի հուլիսի 29-ին Սարի թաղում զանգվածային անկարգություններ կազմակերպելու մեջ մեղադրվող՝ «Ոտքի Հայաստան» շարժման ակտիվիստ Անդրիաս Ղուկասյանի կալանքի ժամկետը։
Վերջինիս փաստաբան Կարեն Մեժլումյանի փոխանցմամբ՝ դատարանը նաև մերժեց 2 միլիոն դրամ գրավի դիմաց իր պաշտպանյալին ազատ արձակելու միջնորդությունը: «Որովհետև պատվեր կա և՛ նախաքննական մարմնի վրա, և՛ դատարանի վրա, որպեսզի Անդրիաս Ղուկասյանին կալանքի տակ պահեն։ Պահեն մինչև ընտրությունների ընթացը կամ ավարտը, միգուցե նաև դրանից հետ»,- «Ազատության» հետ զրույցում ասաց փաստաբանը:

Մանրամասները՝ «Ազատություն»–ում։

Այս թեմայով Անդրիաս Ղուկասյանը պահանջում է 11 տուժողի հանել դատակոչի ցուցակից (Ուղիղ) ԱԼԳ հայկական պլատֆորմը պահանջում է ազատ արձակել Անդրիաս Ղուկասյանին Կալանավորված Անդրիաս Ղուկասյանը ներկա էր հոր հոգեհանգստին Անդրիաս Ղուկասյանը կմասնակցի հոր հոգեհանգստին Քաղաքական ուժերն Անդրիաս Ղուկասյանի հարցով դիմում են միջազգային կառույցներին