Մերկելը հիասթափեցնող է անվանել գերմանական պարբերականի՝ Թուրքիայի թղթակցի կալանավորումը
Գերմանիայի կանցլեր Անգելա Մերկելը մեկնաբանել է գերմանական Die Welt պարբերականի՝ Թուրքիայի թղթակից Դենիզ Յուջելի կալանավորման դեպքը, հայտնում է թուրքական «Բիրգյուն» պարբերականը:
Մերկելը Յուջելի կալանավորման լուրն անվանել է ցավալի ու հիասթափեցնող, իսկ թուրքական դատարանի որոշումը՝ չափից դուրս կոշտ՝ հիշեցնելով, որ Յուջելն ինքնակամ էր ներկայացել ոստիկանություն:
«Մենք ակնկալում էինք, որ Յուջելի դեմ մեղադրանք ներկայացրած թուրքական դատարանը հաշվի կառներ խոսքի ազատության իրավունքը: Մենք շարունակելու ենք ամեն ջանք գործադրել, որպեսզի Յուջելն արժանանա իրավական ու արդար պետության պայմաններին հարիր վերաբերմունքի: Հույս ենք տածում, որ նա ամենակարճ ժամկետներում ազատ կարձակվի», - ասել է Մերկելը:
Նշենք, որ Die Welt-ի թուրք թղթակցին Թուրքիայում մեղադրում են ահաբեկչամետ քարոզչություն իրականացնելու և ահաբեկչական խմբավորումների հետ կապ ունենալու համար:
Հիշեցնենք, որ օրեր առաջ Գերմանիայի արտգործնախարարության ներկայացուցիչ Մարտին Շեֆերը հերթական անգամ պաշտոնական Անկարային հորդորել է ազատ արձակել Դենիզ Յուջելին։ Իսկ Բունդեսթագի 160 պատգամավորներ, իրենց հերթին, Բեռլինում Թուրքիայի դեսպանին կոչ են արել աջակցել Յուջելի ազատ արձակմանը։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Սիթի ՍՊ ընկերության մի քանի աղցանի արտադրությունը կասեցվել է
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Էլեկտրաէներգիայի ընդհատումներ կլինեն Երևանում և մարզերում․ հասցեներ
Մելանշոնը հավանական առաջատար թեկնածուներից մեկն է
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին
2027 թ. պետական բյուջեի նախնական քննարկում. ԱԺ մշտական հանձնաժողովների համատեղ նիստ (տեսանյութ)
Կրկին ակտիվացել են ՆԳՆ անունից զեղծարարության փորձերը