Շերն իր աջակցությունն է հայտնել Հայոց ցեղասպանության մասին «Խոստում» ֆիլմին

Հայոց ցեղասպանության մասին «Խոստում» ֆիլմի (ռեժիսոր՝ Թերի Ջորջ, գլխավոր դերակատարներ՝ Օսկար Այզեք, օսկարակիր Քրիստիան Բեյլ, Շարլոտ Լե Բոն, Շոհրե Աղդաշլու, Անժելա Սարաֆայան) պրոդյուսերներից Էրիկ Էսրաիլյանը Instagram-ի էջում տեղեկացրել էր, որ կինոսերները Թերի Ջորջի նոր աշխատանքը գնահատելու հնարավորություն կունենան 2017-ի ապրիլի 21-ից: Սակայն մինչ նախանշված պրեմիերան, ֆիլմի անձնակազմը չի դադարում լսել բազմաթիվ ոգեշնչող խոսքեր:

Ֆիլմի պրոդյուսեր Էրիկ Էսրաիլյանն Instagam-ում ցուցադրել է լուսանկար, որում հայազգի աշխարհահռչակ երգչուհի Շերը գրառում է կատարել ֆիլմի վերաբերյալ.

Публикация от Eric Esrailian (@esrailian) Фев 24 2017 в 8:47 PST
«Պատմություն. Հայոց ցեղասպանություն՝ Թուրքերի կողմից: Մեր նախապապերը փախել են Թուրքիայից ՝ ՀԱԶԻՎ կենդանի մնալով»,- գրել է երգչուհին:

Անդրադառնալով գրառմանը պրոդյուսերը շնորհակալություն է հայտնել համաշխարհային աստղին՝ աջակցության եւ ճշմարտությունը չթաքցնելու համար.

«Շնորհակալ ենք մեր հիասքանչ ընկերոջը մեզ աջակցելու եւ ճշմարտությունն ասելու համար»,-մեկնաբանել է Էսրաիլյանը:

Նշենք, որ օրեր առաջ The Elton John AIDS Foundation EJAF-ը նշել էր, որ (Էլթոն Ջոնի եւ Դեւիդ Ֆերնիշի գլխավորությամբ) Հոլիվուդում կազմակերպելու է «Խոստում» ֆիլմի դիտումը: Լեգենդար երգիչը պաշտոնական հայտարարություն էր արել՝ ավելացնելով ավելացնելով #KeepThePromise հեշթեգը:

news.am

Այս թեմայով Ջորջ Քլունին՝ «Խոստումը» ֆիլմի լոնդոնյան պրեմիերային Էլթոն Ջոնը կկազմակերպի հայերի Ցեղասպանության մասին պատմող ֆիլմի ցուցադրությունը