Պելեի որդին հանձնվել է Բրազիլիայի ոստիկանությանը և կտեղափոխվի բանտ

Բրազիլացի լեգենդար ֆուտբոլիստ Պելեի որդին՝ Էդսոն Շոլբի Նասիմենտուն, որն առավել հայտնի է Էդինյո անունով, ոստիկանություն է ներկայացել՝ 13-ամյա ազատազրկման պատիժը կրելու համար, հայտնում է «ՌԻԱ Նովոստի» գործակալությունը։

2014 թվականին բրազիլական դատարանը Պելեի որդուն դատապարտել է 33 տարվա ազատազրկման՝ թմրանյութերի վաճառքից ստացված գումարի յուրացման համար։ Սակայն Էդինյոն մնացել է ազատության մեջ, մինչ նրա բողոքը քննվել է վերաքննիչ դատարանում։

Հինգաշբթի դատարանը վերջնականապես հաստատել է դատավճիռը, սակայն մեղմել է վճիռը՝ այն դարձնելով 12 տարի 10 ամիս։

Ուրբաթ երեկոյան 46-ամյա Էդինյոն ներկայացել է Սանտոս քաղաքի ոստիկանական բաժանմունքներից մեկը։ «Սա մեծ հիասթափություն է, քանի որ ինձ մեղադրում են փողերի յուրացման համար, որը ես չեմ արել»,- ասել է Պելեի որդին։

Հետաքննությունը սկսվել էր դեռ 2005 թվականին։ Էդինյոյին մեղադրանք էր առաջադրվել հայտնի թմրավաճառների հետ կապ ունենալու և թմրանյութերի վաճառքին մասնակցության համար։ Նա հերքում է մեղադրանքները և հայտարարում, որ թեև օգտագործել է թմրանյութեր, սակայն չի մասնակցել դրանց վաճառքին։

tert.am