1976թ-ին Գարիկ Մարտիրոսյանը Նյու Յորքում Led Zeppelin խմբի համերգին է եղել

Հայ շոումենն իր Instagram-ում հրապարակել է արխիվային լուսանկար։ Գարիկ Մարտիրոսյանն իր տատիկին է ցույց տվել։

«Ես եմ՝ տատիկիս հետ։ Լուսանկարն ուղիղ 42 տարի առաջ է արվել՝ 1976-ի ապրիլի 5-ին, Բրուքլինում։ Մենք ամբողջ ընտանիքով Նյու Յորք էինք ժամանել Led Zeppelin խմբի համերգին։ Համերգն արդեն ջնջվել է իմ հիշողությունից, բայց ես առայսօր հստակ հիշում եմ, թե ինչպես էր Փեյջն իր սպիտակ կիթառով նվագում Over the Hills and Far Away ստեղծագործության նախաբանը, կամ ինչպես էր Փլանթը փակ աչքերով երգում Since I’ve been loving you երգը։ Ու չնայած լուսանկարի հակառակ կողմում գրված է․ «Երևան, Լ․ Մելիքյանի ֆոտոատելյե, 1976 թ․», բայց ես ավելի շատ իմ հիշողություններին եմ վստահում, քան ինչ-որ Մելիքյանի։ Ի՞նչ է նա առհասարակ հասկանում հարդ ռոքից, այդ Լ․ Մելիքյանը»,- մակագրել է լուսանկարը Գարիկը։