Շառլ Ազնավուրի ընտանիքի տոհմածառը կներկայացվի Երեւանի «Ազնավուրի կենտրոնում»

«Ազնավուրի կենտրոնի» կայքում տեղեկություն է հայտնվել այն մասին, որ շուտով Երևանում Ազնավուրի կենտրոնում ներկայացվելու է երգչի ընտանիքի տոհմածառը, նաև նրա ընտանիքի պատմությունը՝ մինչև Ֆրանսիա տեղափոխվելն ու դրանից հետո։ Ինստալյացիաները ներկայացված են լինելու մի քանի սենյակներում։

Առաջին սենյակում Ազնավուրների ընտանիքի պատմությունը ներկայացված է լինելու ավազային անիմացիայի պրոյեկցիայի միջոցով։ Նավի տախտակամածի միջավայրի վերստեղծումը թույլ կտա այցելուներին պատկերացնել Ազնավուրյանների ընտանիքի ճանապարհորդությունը, երբ նրանք 1915-ի ղեղասպանության ժամանակ Կոնստանդնուպոլսից Սալոնիկի էին փախչում, այնուհետև՝ Մարսել։ Դահլիճի պատերից մեկի վրա վերստեղծվելու է Ազնավուրների ընտանիքի տոհմածառը՝ այն տարիների փաստաթղթերի ու լուսանկարների բնօրինակներով։

Փարիզում առաջին բնակարանի վերականգնումը, որտեղ ծնվել է Շահնուր Վաղինակի Ազնավուրյանը, թույլ կտա գնահատել երաժիշտի համեստ ծագումը, տեսնել մթնոլորտը, որտեղ անցել է նրա մանկությունը ու Ազնավուրների ընտանիքի 5 անդամների կյանքի առաջին տարիները, երբ նրանք ապրում էին ընդամենը 20 քառակուսի մետր մակերեսով բնակարանում։ Ընտանեկան լուսանկարները ցուցադրվելու են շրջանակների մեջ ու բարձերի վրա՝ «կենդանացած» նկարների ձևաչափով։

Այս թեմայով «Երկու լեգենդ». Ազնավուրի դուստրը հրապարակել է շանսոնյեի և նախօրեին կյանքից հեռացած լեգենդար դերասան Քըրք Դուգլասի լուսանկարը «Դու կարող ես մերսել, ինչպես քեզ սովորեցրել եմ». ինչպես է փոքրիկ Ռաֆիկը մերսում Ազնավուրին Շառլ Ազնավուրի դուստրն ընտանիքի առօրյայից տեսանյութ է հրապարակել (տեսանյութ) Նրա ձայնը որևէ մեկի հետ չես շփոթի. ռուսական «Առաջին ալիքի» անդրադարձը Շառլ Ազնավուրի կյանքին ու գործունեությանը Կոչ եմ անում բոլորին այստեղ գալ ոչ միայն Ցեղասպանության օրը, կոչ եմ անում Հայաստանը դարձնել ավելի բարգավաճ. Նիկոլա Ազնավուր