«Ես հայ տղամարդ եմ, կարողանում եմ պատրաստել միայն ձվածեղ ու խորոված». Միխայիլ Գալուստյան (տեսանյութ)

Ռուսաստանաբնակ հայտնի շոումեն, դերասան ու պրոդյուսեր Միխայիլ Գալուստյանը մասնակցել է Լեոնիդ Յակուբովիչի վարած «Զվեզդա նա «Զվեզդե»» հաղորդմանն ու պատմել իր խոհարարական «հմտությունների» մասին:

«Ես ընդհանրապես պատրաստել չգիտեմ. միայն ձվածեղ ու խորոված: Ես հայ տղամարդ եմ, իսկ յուրաքանչյուր կովկասյան, արևելյան ընտանիքում միշտ պետք է կինը պատրաստի: Տղամարդը ձվածեղ է պատրաստում, երբ կողքին կին չկա, իսկ խորոված՝ երբ բոլորը միասին են հավաքվում: Մնացած ամեն ինչ վերաբերում է կանանց»,- Յակուբովիչին պատմել է Գալուստյանը:

Միևնույն ժամանակ, դերասանը պատմել է, որ իր հայրն ամբողջ կյանքի ընթացքում խոհարար է աշխատել, իսկ մայրը բուժաշխատող է եղել:

Գալուստյանը մանրամասնել է, որ մոր հորդորով ավարտել է բժշկական ուսումնարան ու հարկ եղած դեպքում կարող է նույնիսկ ծնունդ ընդունել: