Արոնյանը որոշեց օգնել Կարուանային եւ Կարյակինին

Բեռլինում ընթացող շախմատի աշխարհի չեմպիոնի հավակնորդների մրցաշարում Լեւոն Արոնյանը ոչ թե վատ, այլ շատ վատ է հանդես գալիս: Նախավերջին տուրում Արոնյանը պարտվեց Կարուանային, այսպիսիով օգնելով նրան առաջին տեղի համար պայքարում: Նա նաեւ որոշ չափով աջակցեց Կարյակինին:

Կարուանայից բացի նախավերջին տուրում հաղթեց նաեւ Մամեդյարովը՝ պարտության մատնելով Գրիշչուկին:

Վերջին տուրից առաջ, որը կայանալու է այսօր, Կարուանան վաստակել է ութ, իսկ Մամեդյարովը եւ Կարյակինը՝ յոթ եւ կեսական միավոր:

Այսօր Կարուանան սեւ խաղաքարերով մրցելու է Գրիշչուկի հետ, որը երեկ միավոր էր նվիրել Մամեդյարովին եւ կարելի է կռահել, որ այսօր եւս ամեն ինչ անելու է Ադրբեջանի ներկայացուցչին ուրախացնելու համար:

Մամեդյարովը սեւ խաղաքարերով մրցելու է անհաջող հանդես եկող Կրամնիկի հետ, եւ բացառված չէ, որ կկարողանա միավոր շահել:

Ինչ վերաբերում է Կարյակինին, ապա նա սպիտակներով մրցելու է Դինգ Լիրենի հետ:

Խաղերը մեկնարկելու են Երեւանի ժամանակով 17,00-ին:

Top-News.am

Այս թեմայով Արոնյանը հաղթեց Մամեդյարովին Արոնյանի խոսուն ոչ-ոքին Արոնյանը ոչ ոքի խաղաց Մամեդյարովի հետ Gibraltar Masters Open. Լեւոն Արոնյանը հաղթեց 28 քայլում Լեւոն Արոնյանը՝ շախմատի հավակնորդների մրցաշարի թիվ 1 ֆավորիտ