Գուտերեշն առաջարկել է ՄԱԿ-ում ահաբեկչության դեմ պայքարի վարչություն ստեղծել

ՄԱԿ-ի գլխավոր քարտուղար Անտոնիու Գուտերեշն առաջարկել է կառույցում ահաբեկչության դեմ պայքարի վարչություն ստեղծել։ Այդ մասին նա ասել է ՄԱԿ-ի Գլխավոր ասամբլեայի անդամ երկրների հանդիպման ժամանակ, գրում է «ՌԻԱ Նովոստի» գործակալությունը։

Ահաբեկչության դեմ պայքարին նվիրված նիստին ելույթ ունենալով՝ Գուտերեշը հանդես է եկել «նոր հակաահաբեկչական վարչություն» ստեղծելու նախաձեռնոթյամբ, որը կգլխավորի գլխավոր քարտուղարի նոր տեղակալը։

Ներկայում ՄԱԿ-ում գոյություն ունի Անվտանգության խորհրդի հակաահաբեկչական կոմիտեն։ Այն ստեղծվել էր 2001 թվականին՝ ԱՄՆ-ում սեպտեմբերի 11-ի ահաբեկչություններից հետո։

«Մեր նպատակն է նոր գործընկերություն ստեղծել անդամ երկրների հետ ահաբեկչական սպառնալիքին հակազդելու համար, որին պետք է արձագանքել անհապաղ»,- ասել է Գուտերեշը։

Նա խնդրել է անդամ երկրների ներկայացուցիչներին գրավոր կամ բանավոր ներկայացնել իրենց պատկերացումներն առաջիկա երկու շաբաթվա ընթացքում։

tert.am

Այս թեմայով ՄԱԿ-ի փորձագետ․ Ուրբանիզացիան ու ֆինանսական շահարկումները հանգեցրել են գլոբալ բնակարանային ճգնաժամի ՄԱԿ-ում Ռուսաստանի մշտական ներկայացուցիչը հանկարծամահ է եղել Նյու Յորքում ՄԱԿ–ը հույս ունի, որ ԱՄՆ–ը կպահպանի փախստականների պաշտպանության գործում առաջատարի դերը ՄԱԿ–ը ցանկանում է պաշտպանել իրազեկիչներին