Իրանը բացասաբար է արձագանքել ԱՄՆ նախագահի ազգային անվտանգության հարցերով խորհրդականի պաշտոնում Ջոն Բոլթոնի նշանակմանը

Իրանի իշխանությունները բացասաբար են արձագանքել Միացյալ Նահանգների նախագահի ազգային անվտանգության գծով խորհրդականի պաշտոնում Ջոն Բոլթոնի նշանակմանը, ով ՄԱԿ-ում ԱՄՆ նախկին դեսպանն էր:

Կիսապաշտոնական «Ֆարս» լրատվական գործակալությունը ներկայացրել է Իրանի Ազգային անվտանգության բարձրագույն խորհրդի քարտուղար Ալի Շամխանաի խոսքերը, ով նշել է, որ Բոլթոնը 2017-ին հանդիպել է արտերկրում գործող Իրանի ժողովրդի մոջահեդներ կազմակերպության ներկայացուցիչների հետ, իսկ այդ կազմակերպությունը նպատակ ունի տապալել Իրանի իշխանություններին:

Նշենք, որ ԱՄՆ նախագահի ազգային անվտանգության գծով խորհրդականի պաշտոնը զբաղեցնում էր Հերբերթ ՄըքՄասթերը։ ԱՄՆ նախագահ Դոնալդ Թրամփը Թվիթերում գրել էր՝ ՄըքՄասթերը «շատ լավ է աշխատել և միշտ կմնա իմ ընկերը»:

55-ամյա ՄըքՄասթերը հայտարարել է, որ այս տարվա ամռանը նախատեսում է հեռանալ հանրային կյանքից:

Բոլթոնը պաշտոնը կստանձնի ապրիլի 9-ից:

azatutyun.am

Այս թեմայով Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում Վելայաթի. Բեյրութի հարցում սխալ հաշվարկը սպառեց համբերությունը․ Հրամանը տրված է, «X» ժամը մոտենում է