Ավելի քան 1.2 մլն դոլար. բրիտանուհին Քիմ Քարդաշյանի տեսքով տորթ է պատրաստել (լուսանկարներ)

Անգլիացի հայտնի հրուշակագործ Դեբի Ուինգհեմը թխել է աշխարհի ամենայուրատեսակ տորթերից մեկը, որը պատրաստված է ամերիկահայ հեռուստաաստղ Քիմ Քարդաշյանի տեսքով:

Ինչպես նշում է AdMe.ru-ն, Ուինգhեմին այս պատվերի համար դիմել է մի տղամարդ, որը ծննդյան տոնի առթիվ անակնկալ էր ուզում մատուցել իր սիրելիին: Նշվում է, որ տղամարդու ընկերուհին արտաքնապես շատ նման է Քարդաշյանին:

Պատվիրատուն հրուշակագործին է փոխանցել սիրելիի նկարն ու ասել, որ նրա տեսքով տորթ թխվի: Երբ Ուինգհեմը տեսել է նկարը՝ հասկացել է, որ հոբելյարը և՛ դեմքով, և՛ կազմվածքով չափազանց նման է Քարդաշյանին:

 Հետաքրքրական է, որ ուշագրավ տորթն ունի մատնահարդարում, դիմահարդարում, թարթիչներ, մազեր, որոնք պատրաստված են շաքարից և ուտելի են:

 Հայտնի է, որ տորթն արժե ավելի քան 1.2 մլն դոլար: Նման բարձր գինը պայմանավորված է այն փաստով, որ տորթի վրա կան ադամանդյա զարդեր:

Նմուշի պատրաստման համար բրիտանուհին ծախսել է 10 օր:

Ի դեպ, Ուինգհեմը խոստովանել է, որ մեծ հաճույքով կպատրաստեր Քիմի ու նրա մյուս քույրերի տեսքով տորթեր:

Ads by Digisales