Թուրքիան Հայաստանից լուր ստանալուց հետո տհաճություն է զգացել

Թուրքիայի արտգործնախարարի տեղակալ Ահմեդ Յըլդըզը ադրբեջանական APA գործակալության հետ զրույցում պնդել է, թե ցյուրիխյան արձանագրություններն առավել ձեռնտու էին Հայաստանին, քան Թուրքիային:

«Թեև այդ արձանագրություններն այդպես էլ ուժի մեջ չմտան, սակայն դրանցից հրաժարվելու՝ հայկական կողմի քայլը տհաճ էր», - ասել է թուրք պաշտոնյան:

«Իրենց գործն է, մենք առաջին հերթին ուզում ենք, որ հայերը դուրս բերեն զորքերը ադրբեջանական հողերից, սա էր մեր առանցքային պահանջը, սակայն հայերը չցանկացան դրան գնալ», - ըստ APA-ի՝ ասել է Թուրքիայի ԱԳ փոխնախարարը:

Հիշեցնենք՝ այս տարվա մարտի 1-ին Հայաստանի նախագահ Սերժ Սարգսյանը հրամանագիր ստորագրեց հայ-թուրքական արձանագրությունների կնքման ընթացակարգը դադարեցնելու մասին:

Արձանագրությունները ստորագրվել էին 2009 թվականի հոկտեմբերի 10-ին Ցյուրիխում:

Այս թեմայով Յըլդըրըմ․ Հայաստանը պետք է կարգավորի հարաբերությունները հարևան երկրների հետ Հայկական կողմը պատրաստ է Թուրքիայի անչափահաս քաղաքացուն հայրենիք ուղարկել Թուրք բարձրաստիճան խորհրդարանականը Բաքվում անդրադարձել է հայ-թուրքական հարաբերություններին Չավուշօղլուն Բրյուսելում Նիկոլ Փաշինյանին շնորհավորել է վարչապետ ընտրվելու կապակցությամբ