Պուտին, Ստալոնե, Ասանժ. Պամելա Անդերսոնը պատմել է իր տղամարդկանց մասին

Պամելա Անդերսոնը հյուրընկալել է Փիրս Մորգանի Piers Morgan’s Life Stories շոուին։ 50-ամյա դերասանուհին, որը չորս անգամ ամուսնացած է եղել, պատմել է իր սիրային հարաբերությունների մասին։ Պամելան պատմել է Վլադիմիր Պուտինի, Ջուլիան Ասանժի, Սիլվեստր Ստալոնեի հետ իր հարաբերությունների, նաև Ֆրանսիայի ֆուտբոլի հավաքականի ֆուտբոլիստ Ադիլ Ռամիի հետ ներկա հարաբերությունների մասին։

«Ես Վլադիմիր Պուտինի հետ կապ եմ ունեցել այն ժամանակվանից սկսած, երբ հաջողությամբ առաջ մղեցի կետերի սպանության արգելքը 2009-ին։ Պուտինի մասին կասեմ, որ ինձ հրավիրել էին նրա երդմնակալությանը 2012-ին, բայց ես չգնացի։ Բայց մենք մի քանի անգամ միասին նույն ժամանակ նույն տեղում ենք գտնվել։ Ու ես մեծ կապեր եմ ունեցել Ռուսաստանի հետ»,- հայտնել է Անդերսոնը։

Ջուլիան Ասանժի մասին Պամելան ընդամենը նշել է, որ իրենք մտերիմ ու լավ ընկերներ են.

«Գիտեք, յուրաքանչյուր տղամարդ իմ կյանքում բացահայտել է իմ էության մի մասնիկը, որը չէր բացահայտվի քանի դեռ իմ կողքին չհայտնվեր հենց այդ տեսակի տղամարդ։ Մայրս միշտ ասում էր՝ «Մի տղամարդը չի կարող անել ամեն ինչ»,- հավելել է Անդերսոնը։

Պամելան հիշում է, թե ինչպես էր երիտասարդ տարիներին երեկույթի գնում Playboy ամսագրի հիմնադիր Հյու Հեֆների տուն, որտեղ մի օր հայտնվել էր Հյուի ննջարանում՝ յոթ մերկ մոդելների հետ միասին։

«Ես հասկացա, որ հիմա պետք է խմբակային սեքս լինի, ու արագ փախա այնտեղից»,- ծիծաղելով հիշում է Պամելան։

«Մի ժամանակ իմ ու Ստալոնեի միջև էին սիրային հարաբերություններ հասունանում, բայց նա բաց հարաբերություններ էր ուզում՝ այսինքն ուզում էր ուրիշների հետ էլ հանդիպել, իսկ ես դեմ էի դրան, ու մենք հրաշալի ընկերներ մնացինք»,- պատմում է դերասանուհին, որը հիմա հանդիպում է Ֆրանսիայի հավաքականի ֆուտբոլիստ Ադիլ Ռամիի հետ։

«Նա աներևակայելի է։ Ես պարզապես սիրում եմ նրան։ Ես չեմ ուզում այդ մասին հիմա խոսել, սակայն ես երջանիկ եմ Ֆրանսիայում»,- ամփոփել է Պամելան։

Աղբյուրը՝ Daily Mail