Իրանի ԱԳ փոխնախարար․ Արևմուտքը պետք է վստահեցնի, որ միջուկային համաձայնագիր գործում է

Իրանցի բարձրաստիճան պաշտոնյայի խոսքով` Արևմուտքը պետք է իր երկրին վստահեցնի, որ 2015 թվականի միջուկային համաձայնագիրը գործում է, ինչից հետո էլ արդեն հնարավոր կլինի քննարկել Մերձավոր Արևելքի խնդիրները։

Իրանի արտգործնախարարի տեղակալ Աբաս Արաղչին Փարիզում ասուլիսի ժամանակ հայտարարել է, որ Թեհրանի տարածաշրջանային ակտիվությունը և հրթիռային ծրագրերը քննարկելուց առաջ նախ պետք է հարգել ձեռք բերված համաձայնությունները, որոնք, ըստ նրա, Միացյալ Նահանգները փորձում է տապալել։

Միացյալ Նահանգների, Մեծ Բրիտանիայի, Ֆրանսիայի, Գերմանիայի, Ռուսաստանի և Չինաստանի հետ 2015-ի հուլիսի 14-ին կնքած համաձայնագրով Իրանը պարտավորվել է սահմանափակել իր միջուկային ծրագիրը՝ երկրի նկատմամբ միջազգային պատժամիջոցների վերացման դիմաց։

Միացյալ Նահանգների նախագահ Դոնալդ Թրամփը հայտարարել է, որ ԱՄՆ-ը դուրս կգա համաձայնագրից, եթե եվրոպացի գործընկերները չվերանայեն դրանում առկա «սարսափելի թերությունները»։

Այս թեմայով Իրանն ու Օմանը քննարկում են Օրմուզի նեղուցը ճգնաժամից դուրս բերելու ուղիները NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում