ԱՄՆ դեմոկրատները մտադիր են օգտագործել իրենց լիազորությունները՝ Ուկրաինային աջակցությունն ընդլայնելու

ԱՄՆ Դեմոկրատական կուսակցության ներկայացուցիչները պատրաստում են Ուկրաինային մինչև 15 մլրդ դոլարի նոր օգնության փաթեթ, հայտնում է Financial Times-ը։ Պարբերականի տվյալներով՝ միջանկյալ ընտրությունների արդյունքում Կոնգրեսի երկու պալատներում մեծամասնություն ստացած դեմոկրատները մտադիր են օգտագործել իրենց լիազորությունները՝ Ուկրաինային աջակցությունն ընդլայնելու և Ռուսաստանի դեմ լրացուցիչ պատժամիջոցներ սահմանելու համար։

Մշակվող փաթեթը նախատեսում է շուրջ 15 մլրդ դոլարի օգնություն Կիևին: Դեմոկրատների առաջնահերթություններից է նաև Ուկրաինայի էներգետիկ ենթակառուցվածքներին աջակցությունը՝ ձմռան և ռուսական շարունակական հարվածների պայմաններում։ Օգնությունը նախատեսվում է տրամադրել ԱՄՆ-ի՝ ամեն տարի ընդունվող Ազգային պաշտպանության մասին օրենքի (NDAA) շրջանակում։

Razom for Ukraine իրավապաշտպան կազմակերպության ավագ խորհրդական Մելինդա Հարինգի խոսքով՝ օրինագծում կարող են ներառվել փոփոխություններ՝ կապված Ռուսաստանի դեմ պատժամիջոցների, հետախուզական աջակցության, հակահրթիռային որսիչների, ինչպես նաև Starlink և Starshield համակարգերի հետ։