Շերը գլամուրային շիկահերի է վերածվել (լուսանկարներ, տեսանյութ)

Ամերիկահայ հայտնի երգչուհի Շերը (Շերիլին Սարգսյան) նկարահանվում է «Մամա Միա» երաժշտական ֆիլմի նոր մասում, որում մարմնավորում է Ամանդա Սեյֆրիդի կերտած գլխավոր հերոսուհու գլամուրային տատիկին:

Ինչպես նշում է The Daily Mail-ը, սպասված ֆիլմի նոր թրեյլերը ցուցադրվել է հունվարի 28-ին Նյու Յորքում կայացած «Գրեմմի-2018» երաժշտական մրցանակաբաշխության ժամանակ:

Յոթանասունմեկամյա Շերի հայտնությունը շատ տպավորիչ է. ոճային կոստյում հագած շիկահեր, բարեկազմ «տատիկն» իջնում է սեփական ուղղաթիռից, հանում է սև ակնոցներն ու ասում՝ «Դե եկեք սկսենք խնջույքը»:

Ըստ սյուժեի՝ գլխավոր հերոսուհու տատիկն իրականում հրավիրված չէր խնջույքին, ու նրա անակնկալ հայտնությունը զարմացնում է բոլորին:

Նշվում է, որ ֆիլմի պրեմիերան կկայանա 2018թ. հոկտեմբերին: