Աջակցությունը Ուկրաինային շարունակվել է ինչպես Ջո Բայդենի, այնպես էլ Թրամփի վարչակազմերի օրոք
ԱՄՆ պետքարտուղար Մարկո Ռուբիոն հայտարարել է, որ ԱՄՆ-ն Ուկրաինային ավելի մեծ աջակցություն է ցուցաբերել, քան աշխարհի որևէ այլ երկիր։ Նա նաև նշել է, որ Վաշինգտոնը չի միջամտել Starlink և Starshield արբանյակային կապի համակարգերի վերաբերյալ Իլոն Մասկին պատկանող ընկերության որոշումներին՝ ընդգծելով, որ դրանք մասնավոր ընկերության կառավարման ներքո են։
Ռուբիոյի խոսքով՝ Starlink-ը մասնավոր ընկերություն է, որն ունի իր պայմանագրերն ու տեխնոլոգիաների օգտագործման պայմանները։ «Մենք չենք կարող թելադրել մասնավոր ընկերությանը, թե ինչ որոշումներ պետք է կայացնի։ Թրամփը կամ մեր համակարգում որևէ այլ մեկը երբեք չի պահանջել փոփոխություններ կատարել այդ համակարգում»,- ասել է ԱՄՆ պետքարտուղարը։
Նա հերքել է այն տեղեկությունները, թե ԱՄՆ կառավարությունը Ուկրաինային զրկել է ինքնապաշտպանության համար անհրաժեշտ միջոցներից։ «Տարածվող տեղեկությունների համաձայն՝ ԱՄՆ կառավարությունը, իբր, Ուկրաինային զրկում էր իր երկիրը պաշտպանելու համար անհրաժեշտ ինչ-որ բանից։ Դա ճիշտ չէ։ Դա իրականությանը չի համապատասխանում, և Ուկրաինայի ղեկավարների կողմից այդ պնդումների շարունակական կրկնությունը նույնպես չի համապատասխանում իրականությանը»,- հայտարարել է Ռուբիոն։
Պետքարտուղարը նաև ընդգծել է, որ Դոնալդ Թրամփը չի վերահսկում Մասկի ընկերությունները և չի կարող նրանց թելադրել որևէ որոշում։ «Թրամփը որևէ առնչություն չունի Starlink-ի, Starshield-ի և պարոն Մասկի կողմից ընդունվող որոշումների հետ։ Դա մասնավոր ընկերություն է։ Թրամփը չի ղեկավարում այդ ընկերությունը և չի կարող նրան որևէ բան անել թելադրել»,- ասել է նա։
Ռուբիոն հիշեցրել է նաև Ուկրաինային տրամադրված ամերիկյան օգնության ծավալների մասին՝ նշելով, որ աջակցությունը շարունակվել է ինչպես Ջո Բայդենի, այնպես էլ Թրամփի վարչակազմերի օրոք։
«Եթե չլիներ Միացյալ Նահանգների՝ միլիարդավոր դոլարների հասնող օգնությունը, որը Ուկրաինան ստացել է Բայդենի վարչակազմի օրոք և շարունակում է ստանալ նաև այս վարչակազմի օրոք, այսօր Ուկրաինա չէր լինի»,- հայտարարել է պետքարտուղարը։
Նրա խոսքով՝ պետք է հաշվի առնել նաև ամերիկյան օգնության արդյունքում փրկված մարդկային կյանքերի թիվը։ «Քանի՞ միլիոն մարդու կյանք է փրկվել այն ամենի շնորհիվ, ինչ Ամերիկան արդեն տրամադրել է։ Աշխարհում ոչ մի երկիր Ուկրաինային այնքան օգնություն չի ցուցաբերել, որքան Միացյալ Նահանգները, այդ թվում՝ Թրամփի վարչակազմի օրոք։ Եվ դա շարունակում է այդպես մնալ»,- ասել է Ռուբիոն։
Անդրադառնալով պատերազմի տևողությանը՝ ԱՄՆ պետքարտուղարը նշել է, որ սկզբում շատերը կանխատեսում էին դրա արագ ավարտը, սակայն հակամարտությունը շարունակվում է արդեն տարիներ։
«Հիշեք՝ մարդիկ կանխատեսում էին, որ այս պատերազմը կավարտվի հինգ օրում։ Իսկ այժմ մոտենում ենք հինգերորդ տարվան։ Դրա համար մեծապես պետք է շնորհակալ լինել ուկրաինացի մարտիկներին և նրանց խիզախությանը»,- ընդգծել է նա։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)