Ուկրաինան պատրաստ է բանակցությունների
Ուկրաինայի նախագահ Վոլոդիմիր Զելենսկին հայտարարել է, որ պատրաստ է բանակցությունների՝ Օսլոյում ԱՄՆ հատուկ դեսպանորդ Սթիվեն Ուիթքոֆի, Ֆինլանդիայի նախագահ Ալեքսանդր Ստուբի և Նորվեգիայի վարչապետ Յոնաս Գահր Ստյորեի հետ կայացած հանդիպումից հետո։ Եվրոպացի առաջնորդները վերահաստատել են իրենց աջակցությունն Ուկրաինային՝ բանակցությունները որակելով որպես «ճիշտ ուղղությամբ արված քայլ»,-գրել է BBC-ին՝ ամփոփ ներկայացնելով հանդիպումից հետո մամուլի ասուլիսի ժամանակ եվրոպացի առաջնորդների հնչեցրած կարծիքները։
Նախագահ Զելենսկին Ուիթքոֆի և երկու եվրոպացի առաջնորդների հետ «կարևոր» բանակցություններից հետո հայտարարել է, որ «պատրաստ է բանակցությունների»։
Նա նշել է, որ այժմ հույս ունի, որ ԱՄՆ-ն քննարկված առաջարկները կներկայացնի ռուսական կողմին՝ հնարավոր խաղաղ լուծման համար, ներառյալ Ռուսաստանի և ԱՄՆ-ի հետ հնարավոր եռակողմ բանակցությունները։
Ուկրաինայի նախագահը հայտնել է, որ ռուսական հարվածների վերաբերյալ ամերիկյան հետախուզական տվյալների փոխանցման ուղղությամբ աշխատանքներն այժմ շարունակվում են։ Ավելի վաղ Վաշինգտոնը հերքել էր Կիևի մեղադրանքները՝ հետախուզական տեղեկատվության փոխանակումը դադարեցնելու վերաբերյալ։
Ֆինլանդիայի նախագահ Ալեքսանդր Ստուբն այսօրվա հանդիպումն անվանել է «քայլ ճիշտ ուղղությամբ»՝ ընդգծելով Ուկրաինային աջակցելու հարցում եվրոպական միասնականության կարևորությունը։ Նորվեգիայի վարչապետ Յոնաս Գահր Ստյորեն ևս վերահաստատել է Օսլոյի աջակցությունը Կիևին՝ ընդգծելով Ուկրաինայի՝ ռազմական ագրեսիայից պաշտպանվելու իրավունքը։
Ստյորենի խոսքով՝ Սթիվ Ուիթքոֆը հաջորդ օրը նախատեսում է հանդիպել Ռուսաստանի ղեկավարության ներկայացուցիչների հետ։
Զելենսկին նաև հայտնել է, որ ավելի վաղ արդյունավետ զրույց է ունեցել ԱՄՆ պետքարտուղար Մարկո Ռուբիոյի հետ։
Օսլոյի հանդիպումը տեղի է ունեցել Ուկրաինայում պատերազմի դադարեցման և հնարավոր խաղաղ համաձայնության շուրջ դիվանագիտական ջանքերի ակտիվացման ֆոնին։ Այժմ ուշադրության կենտրոնում է, թե ինչպես կարձագանքի Մոսկվան քննարկված առաջարկներին և արդյոք հնարավոր կլինի առաջ շարժվել խաղաղ բանակցությունների ուղղությամբ։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում