Ուիթքոֆի հանդիպումների նպատակն է՝ համատեղ մշակել խաղաղության առաջարկ
ԱՄՆ նախագահի հատուկ բանագնաց Սթիվ Ուիթքոֆը մեկնելու է Օսլո, որտեղ հանդիպումներ կունենա Ուկրաինայի նախագահ Վոլոդիմիր Զելենսկու և եվրոպացի առաջնորդների հետ. գրում է Axios-ը՝ հղում անելով իր աղբյուրին։ Հանդիպումների նպատակն է համատեղ մշակել խաղաղության առաջարկ, որը հետագայում կներկայացվի Ռուսաստանին։
Օսլոյում նախատեսված քննարկումներին, բացի Զելենսկուց և Նորվեգիայի վարչապետ Յոնաս Գար Ստյորեից, կմասնակցեն նաև Մեծ Բրիտանիայի, Ֆրանսիայի, Գերմանիայի և Լեհաստանի ներկայացուցիչները, ինչպես նաև Եվրամիության և ՆԱՏՕ-ի պաշտոնյաները։
Ըստ լրատվամիջոցի, Օսլոյից հետո Ուիթքոֆը նախատեսում է մեկնել Ռուսաստան։ Նա հույս ունի հանդիպել Ռուսաստանի նախագահ Վլադիմիր Պուտինի հետ և ներկայացնել այն առաջարկները, որոնք կմշակվեն Ուկրաինայի ու եվրոպացի գործընկերների հետ սերտ համագործակցությամբ։
ԱՄՆ նախագահի խորհրդական Ջարեդ Քուշները գրիպի պատճառով անձամբ չի մասնակցի Օսլոյի հանդիպմանը, սակայն կմիանա քննարկումներին առցանց։
Օսլոյի հանդիպումները շարունակելու են Ֆլորիդայի Մայամիի մերձակայքում գտնվող Shell Bay ակումբում ավելի վաղ կայացած քննարկումները։ Դրանց ընթացքում Զելենսկին համաձայնել է ուսումնասիրել և առաջ մղել մի շարք առաջարկներ, որոնք նպատակ ունեն ճանապարհ հարթել համապարփակ և երկարաժամկետ խաղաղության համաձայնագրի կնքման համար։
Վերջին շաբաթվա ընթացքում ամերիկացի, ուկրաինացի և եվրոպացի ներկայացուցիչները համատեղ աշխատել են այդ առաջարկների մշակման ուղղությամբ։
«Սթիվն ու Ջարեդը կիրակի օրը նույնպես զրուցել են նախագահ Զելենսկու հետ՝ գնահատելու արձանագրված առաջընթացը և քննարկելու հետագա քայլերը»,- նշել է աղբյուրը։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)