Ռուսաստանը Թրամփի ուղի նախագծին մասնակցելու դիմում չի ստացել. Լավրով
Ռուսաստանը Հայաստանից և Ադրբեջանից «Թրամփի ուղի» տրանսպորտային նախագծին մասնակցելու վերաբերյալ դիմումներ չի ստացել, սակայն կողմերը տեղյակ են Մոսկվայի պատրաստակամության մասին։
«Արմենպրես»-ի փոխանցմամբ՝ ինչպես հայտնում է ռուսական ՏԱՍՍ գործակալությունը, այս մասին հայտարարել է Ռուսաստանի արտաքին գործերի նախարար Սերգեյ Լավրովը։
«Առայժմ մենք այս նախագծին մասնակցելու վերաբերյալ որևէ դիմում չենք ստացել։ Սակայն բոլոր հետաքրքրված կողմերը գիտեն մեր պատրաստակամության և հնարավորությունների մասին»,-նշել է Լավրովը։
ՌԴ արտաքին գործերի նախարարի խոսքով՝ Մոսկվան բազմիցս ողջունել է Հայաստանի և Ադրբեջանի հարաբերությունների կարգավորման գործընթացը, ինչպես նաև Վաշինգտոնում ձեռք բերված պայմանավորվածությունը։
Լավրովը նշել է, որ Ռուսաստանը պատրաստ է մասնակցել տարածաշրջանի ենթակառուցվածքային ծրագրերին՝ հիշեցնելով, որ հայկական երկաթուղային ցանցը գործում է Ռուսաստանի կոնցեսիոն կառավարման ներքո։
Նրա խոսքով՝ ռուսական կողմին տարածաշրջանի երկաթուղային ենթակառուցվածքները լավ ծանոթ են, իսկ դրանց տեխնոլոգիական սպասարկումն իրականացվում է ռուսական մասնագետների կողմից։
Ինչո՞ւ է Հայաստանը տեղափոխվում Երևան
Բյուրոկրատիան ընդդեմ Հայաստանի զարգացման
Firebird AI կենտրոնը կարող է օգտագործվել արևմտյան հատուկ ծառայությունների կողմից. Շևցով
Էրեբունի-րևան. ինչպես է փոխվել մայրաքաղաքի ծննդյան տոնը՝ հոբելյանական միջոցառումից մինչև քաղաքային ա...
Իրան այցի շրջանակում քննարկված մի շարք պայմանավորվածություններ իրականություն են դառնում
Ճիշտ պահն է մտածելու Էվերթոնի պատմության հաջորդ գլխի մասին
Երբ դուրս ես գալիս խաղադաշտ, մտածում ես բացառապես հաղթանակի մասին
Երկրորդ սերնդի մոլորակ
Հայաստանի ԱԳՄԱ նախարարի հեռախոսազրույցը Թուրքիայի ԱԳ նախարարի հետ
Իրականացվում են պատմության և մշակույթի հուշարձանների վերականգնման աշխատանքներ