Դևիդ Բեքհեմը համոզմունք է հայտնել, որ Լիոնել Մեսսին այս տարի պետք է ստանա կարիերայում իր իններորդ Ոսկե գնդակը

Ամերիկյան «Ինտեր Մայամիի» համասեփականատեր Դևիդ Բեքհեմը համոզմունք է հայտնել, որ արգենտինացի հարձակվող Լիոնել Մեսսին այս տարի պետք է արժանանա աշխարհի լավագույն ֆուտբոլիստի կոչմանն ու ստանա կարիերայում իր իններորդ Ոսկե գնդակը։

«Մեսսին պետք է նվաճի Ոսկե գնդակը։ Նա, թերևս, աշխարհի առաջնության լավագույն խաղացողն էր և անհավանական անցկացրեց նախորդ տարին։ Նման ազդեցություն ունենալ աշխարհի առաջնությունում, ինչպես նա… 39 տարեկանում ոչ ոք ունակ չէր լինի նման մակարդակի խաղ ցուցադրելու»,- անգլիացու խոսքերն է մեջբերում All About Argentina-ն։

Հատկանշական է, որ մեքսիկական ակումբի դարպասն ուղարկված գնդակը Մեսսիի համար հոբելյանական՝ 100-րդն էր «Ինտեր Մայամիի» կազմում (բոլոր մրցաշարերի կտրվածքով) և 929-րդը՝ պրոֆեսիոնալ կարիերայում։ 39-ամյա հարձակվողը դարձավ MLS-ի պատմության ամենաարագ ֆուտբոլիստը, ում հաջողվել է 100 գոլ խփել մեկ ակումբի կազմում. այս նշագծին հասնելու համար նրանից պահանջվեց ընդամենը 115 հանդիպում։

Այս տարվա Ոսկե գնդակի հանձնման հանդիսավոր արարողությունը կկայանա հոկտեմբերի 26-ին։