Լավրովն անհնար է համարում Սև ծովում նավերին հասցվող հարվածների մորատորիումի վերահսկումը
Անհնար է վերահսկել Սև ծովում քաղաքացիական ապրանքներ փոխադրող նավերին հասցվող հարվածների մորատորիումի կատարումը, հայտարարել է Ռուսաստանի արտաքին գործերի նախարար Սերգեյ Լավրովը: «Արմենպրես»-ի փոխանցմամբ՝ այդ մասին նա ասել է «Սամա Մենշովա» առցանց նախագծին տված հարցազրույցում։
«Մենք հռետորաբանությունն օգտագործել ենք այն բանի համար, որ հստակ, ոչ երկիմաստ նախազգուշացնենք մի շարք բաների մասին։ Նախազգուշացրել ենք, որ Ռուսաստանում քաղաքացիական օբյեկտների, այդ թվում՝ նավթավերամշակման գործարանների վրա ուկրաինական ահաբեկչական գրոհները կհանգեցնեն Ուկրաինայի համար շատ ավելի ծանր պատասխան արձագանքի։ Դա այժմ տեղի է ունենում», - ասել է Լավրովը։
«Այնտեղ արդեն պաշտոնատար անձինք սկսում են խոսել, որ «մենք չենք դիմանա ձմռանը, եկեք ինչ-որ բան անենք»։ Նրանք առաջարկել են, համոզել են թուրքերին՝ «եկեք ռուս-ուկրաինական մորատորիում սահմանենք Սև ծովում քաղաքացիական ապրանքներ փոխադրող նավերին հասցվող հարվածների համար»։ Սա անհնար է վերահսկել», - հայտարարել է նախարարը։
Շարունակելով պատասխանել հարցին՝ Լավրովը հիշեցրել է «Սևծովյան նախաձեռնության» մասին, որն առաջարկվել էր ՄԱԿ-ի գլխավոր քարտուղար Անտոնիու Գուտերեշի կողմից և գործելու էր մինչև 2023 թվականը։
«Մենք ընդունեցինք այս նախաձեռնությունը։ Եվ ուկրաինացիներն անընդհատ չարաշահում էին այն, քանի որ պարբերաբար զենք էին տեղափոխում քաղաքացիական նավերով։ Եվ այն, ինչ մեզ խոստացել էին այս նախաձեռնությամբ (անարգել մուտք համաշխարհային շուկաներ), Եվրոպան արգելափակեց, ուստի մենք հրաժարվեցինք այդ պատմությունից։ Հիմա նրանք փորձում են այն կրկին վերակենդանացնել։ Սա միանգամայն անընդունելի է և միանգամայն անիրատեսական», - ընդգծել է ՌԴ ԱԳ նախարարը։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում