Եթե Ռուսաստանը որոշի դուրս բերել ռազմաբազան Հայաստանից, մենք չենք առարկի․ Փաշինյան
ՀՀ վարչապետ Նիկոլ Փաշինյանն անդրադարձել է Գյումրիում տեղակայված 102-րդ ռուսական ռազմաբազայի հնարավոր դուրսբերման թեմային՝ հստակեցնելով պաշտոնական Երևանի դիրքորոշումը։ Նա հայտարարել է, որ թեև Բիշքեկում ՌԴ նախագահ Վլադիմիր Պուտինի հետ հանդիպման ժամանակ ռազմաբազայի հարցը չի քննարկվել, Հայաստանը խոչընդոտներ չի ստեղծի, եթե Մոսկվան նման որոշում կայացնի։
«Այնպես չի, որ մենք ռուսական ռազմաբազայի ներկայությունը համարում ենք կենսական անհրաժեշտություն։ Եթե ՌԴ-ն որոշի դուրս բերել ռազմաբազան ՀՀ տարածքից, մենք չենք առարկի»,- նշել է Նիկոլ Փաշինյանը՝ նկատելով, որ երբեք այս ընթացքում այդ հարցը չեն բարձրացրել։
Այս հայտարարությունը հաջորդում է Ռուսաստանի նախագահ Վլադիմիր Պուտինի՝ նախօրեին արած հայտարարությանը, որտեղ նա նշել էր, թե Մոսկվան պատրաստ է «թեկուզ վաղը հեռանալ» Հայաստանից, եթե հայ ժողովուրդն ու երկրի ղեկավարությունը համարեն, որ ռուսական ռազմական ներկայությունն իրենց անհրաժեշտ չէ։
Գյումրիում ռուսական 102-րդ ռազմաբազան տեղակայվել է 1995 թվականին ստորագրված միջպետական պայմանագրի հիման վրա, որի գործողության ժամկետը հետագայում երկարաձգվել է մինչև 2044 թվականը։
Լավրով «զարմացրել» է վարչապետ Նիկոլ Փաշինյանի պնդումը, որ երկաթուղին պատկանում է Երևանին
Բնակարանների վարձակալության կեղծ հայտարարություններով քաղաքացիներից գումար են հափշտակում (տեսանյութ)
Պետությանը պատճառված 520 մլն դրամի վնասը վերականգնվել է
Հորմուզի նեղուցն ամբողջությամբ մաքրվել է իրանական ականներից. ԱՄՆ կենտրոնական հրամանատարություն
Վարչապետը վերանշանակման և ազատման հրամանագրեր է ստորագրել
Մշակութային նոր հուշագիր՝ ուղղված Դիլիջանի զարգացմանը
Կասեցվել է «Ռոյալ ֆուդ» հանրային սննդի օբյեկտի գործունեությունը
Քննարկվել է ԱՄՆ-Ռուսաստան երկկողմ գործակցությունը ֆինանսական ոլորտում
Տիգրան Վիրաբյանը և Ալֆրեդ Քոչարյանը վերանշանակվել են ԿԳՄՍ նախարարի տեղակալների պաշտոնում
Առաջին անգամ հայկական ակումբը որակավորվում է ԵԼ լիգայի փուլ