Եվրամիության խորհուրդը համաձայնել է Հայաստանի համար սահմանել առևտրի ազատականացման ժամանակավոր միջոցառումներ՝ Ռուսաստանի կողմից վերջերս կիրառված առևտրային սահմանափակումների հետևանքները մեղմելու և Հայաստանի տնտեսությանն աջակցելու նպատակով:
Նախատեսվող միջոցներով կազատականացվի դեպի ԵՄ հայկական արտահանման շուրջ 80%-ը։ Մասնավորապես, երկու տարի ժամկետով ժամանակավորապես կկասեցվեն հայկական մի շարք ապրանքների ներմուծման մաքսատուրքերը, այդ թվում՝ սակագնային քվոտաների ենթակա որոշ գյուղատնտեսական ապրանքների համար։
ԵՄ խորհրդի հաղորդագրության համաձայն՝ միջոցառումները վերաբերում են նաև այն ապրանքներին, որոնց արտահանումը նախկինում հիմնականում ուղղված էր ռուսական շուկա։ Դրանց թվում են թարմ մրգերը, բանջարեղենը, բույսերը, ինչպես նաև խմիչքներն ու ոգելից խմիչքները։
«Եվրոպան կանգնած է Հայաստանի և նրա ժողովրդի կողքին, որոնք ընտրել են բարեփոխումների և Եվրամիության հետ ավելի սերտ համագործակցության հստակ ուղի։ Այսօրվա որոշումը հստակ ուղերձ է՝ տնտեսական հարկադրանքի բախվելիս ԵՄ-ն կարձագանքի»,-հայտարարել է Իռլանդիայի արտաքին գործերի և առևտրի նախարար Հելեն ՄաքԷնթին։
Արտոնությունների կիրառումը պայմանավորված կլինի մի շարք պահանջների կատարմամբ։ Հայաստանը պետք է պահպանի ապրանքների ծագման գործող կանոնները, ապահովի վարչական համագործակցությունը ԵՄ-ի հետ, ձեռնպահ մնա ԵՄ ներմուծման նկատմամբ նոր սահմանափակումներ կիրառելուց և պահպանի Հայաստան-ԵՄ Համապարփակ և ընդլայնված գործընկերության համաձայնագրի՝ CEPA-ի հիմնարար սկզբունքները։
Միաժամանակ նախատեսվում են պաշտպանական մեխանիզմներ, որոնք ԵՄ-ին հնարավորություն կտան միջոցներ ձեռնարկել, եթե Հայաստանից ներմուծման աճը բացասաբար անդրադառնա եվրոպական արտադրողների վրա։
ԵՄ խորհուրդը Եվրահանձնաժողովի առաջարկը հաստատել է առանց փոփոխությունների։ Ակնկալվում է, որ Եվրախորհրդարանն այն կքննարկի սեպտեմբերյան լիագումար նիստում։ Դրանից հետո Խորհուրդը պետք է պաշտոնապես հաստատի դիրքորոշումը, իսկ կանոնակարգն ուժի մեջ կմտնի ԵՄ պաշտոնական տեղեկագրում հրապարակվելու հաջորդ օրը։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)