Որքան շուտ Հայաստանը հստակեցնի ԵՄ-ին անդամակցելու հարցը, այնքան լավ. Պուտին
ՌԴ նախագահ Վլադիմիր Պուտինը Բիշքեկում ՀՀ վարչապետ Նիկոլ Փաշինյանի հետ հանդիպման ժամանակ հայտարարել է, որ որքան շուտ Հայաստանը հստակեցնի Եվրամիությանն անդամակցելու հարցը, այնքան լավ, քանի որ Ռուսաստանին անհրաժեշտ է հասկանալ՝ ինչպես հետագայում զարգացնել երկու երկրների հարաբերությունները։
Պուտինի խոսքով՝ ԵՄ-ին անդամակցելու Հայաստանի ձգտումը երկրի օրինական իրավունքն է, սակայն դա բարդություններ է ստեղծում, այդ թվում՝ Հայաստանի՝ Եվրասիական տնտեսական միությանն անդամակցության համատեքստում։
ՌԴ նախագահը նշել է, որ Մոսկվան ակնկալում է, որ Երևանը հնարավորինս արագ կհստակեցնի իր որոշումը՝ ապագայում ԵՄ-ի կամ ԵԱՏՄ-ի հետ հարաբերությունների զարգացման հարցում։ Նա նաև առաջարկել է այս հարցում ընտրության հնարավորությունը տալ Հայաստանի ժողովրդին։
Պուտինը հայտարարել է, որ մեկ այլ կազմակերպությանն անդամակցելու գործընթաց սկսելու մասին օրենքի ընդունումը նշանակում է ԵԱՏՄ-ից դուրս գալու մասին հայտարարություն։
ՌԴ նախագահի խոսքով՝ Ռուսաստանը Հայաստանի հիմնական առևտրատնտեսական գործընկերն է։ Տարեսկզբից երկու երկրների միջև առևտրաշրջանառությունը կազմել է 2,5 միլիարդ դոլար։
Կրեմլի ղեկավարն ընդգծել է, որ Ռուսաստանը հանդես է գալիս Հայաստանի հետ բարեկամական և փոխշահավետ հարաբերությունների զարգացման օգտին, ինչը, նրա խոսքով, համապատասխանում է երկու ժողովուրդների հիմնարար շահերին։
Հանդիպման ընթացքում Պուտինն անդրադարձել է նաև Հայաստանի էներգետիկ անվտանգությանը։ Նրա խոսքով՝ ռուսական ընկերություններն ամրապնդում են Հայաստանի էներգետիկ անվտանգությունը և հանդիսանում են Հայաստանի բյուջեի խոշորագույն հարկատուները։
Նա հիշատակել է նաև Ռուսաստանի և Հայաստանի համատեղ նախագծերը խաղաղ ատոմի, տրանսպորտի և թվային տնտեսության ոլորտներում։
ՌԴ նախագահի ներկայացմամբ՝ ԵԱՏՄ-ին Հայաստանի անդամակցության ընթացքում հանրապետության ՀՆԱ-ն աճել է երեք անգամ, իսկ միության երկրներ արտահանումը՝ տասն անգամ։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում